 |
| अभनपुर के केन्द्री म मोनफोर्ट स्कूल के पास सड़क दुर्घटना |
अंजोर.रायपुर, 16 फरवरी। राजिम मेला जावत जबर सड़क दुघटना होगे जेन म भिलाई निवासी 06 महिला के मउत होगे, घायल 5 महिला मन के इलाज मेडिकल कॉलेज के अंबेडकर अस्पताल म करे जात हावय। मिले आरो के मुताबिक मुख्यमंत्री के भूपेश बघेल के निर्देश म लघियात अमल करत 25-25 हजार रूपिया के मदद दे गे हावय।
जानबा होवय के के आज बिहनिया 6 बजे ही राष्ट्रीय राजमार्ग क्रमांक 30 म अभनपुर के केन्द्री म मोनफोर्ट स्कूल के पास सड़क दुर्घटना म 06 महिला के मउत हो गे हावय अउ 05 आन महिला मन ए दुर्घटना म घायल होए हावयं। सबो महिला मन भिलाई के आए। अभनपुर के अनुविभागीय राजस्व अधिकारी ह सड़क दुर्घटना म मृत श्रीमती रीना करमाकर, श्रीमती सुचित्रा साहा, श्रीमती सविता रानी अउ श्रीमती मीरा दास के पुत्र ल 25 -25 हजार रूपिया के आर्थिक मदद दीस। उहें मृतक श्रीमती रीना चौधरी अउ श्रीमती अर्जना मौला के पति ल 25 -25 हजार रूपिया के मदद दीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।