छत्तीसगढ़ी फिल्म ‘बालीफुल वेलकम टू बस्तर’ ल मिलिस एवरेस्ट इंटरनेशनल फिल्म फेस्टिवल सिलीगुड़ी म बेस्ट रीजनल फिल्म अवार्ड

cg-film

अंजोर.रायपुर,ए। छत्तीसगढ़ी फिल्म बालीफुल वेलकम टू बस्तर ल एवरेस्ट इंटरनेशनल फिल्म फेस्टिवल अउ कंचनजंगा इंटरनेशनल फिल्म फेस्टिवल सिलीगुड़ी म संयुक्त रूप ले बेस्ट रीजनल फिल्म के अवार्ड ले सम्मानित करे गे हावय। सोशल मीडिया ले मिले आरो के मुताबिक छत्तीसगढ़ी फिल्म बालीफुल वेलकम टू बस्तर ल ये पांचवा अवार्ड आए। पहला अवार्ड अयोध्या फिल्म फेस्टिवल अयोध्या म, दूसरा सुन्यतम इंटरनेशनल फिल्म फेस्टिवल मुंबई, तीसरा लेकसिटी फिल्म फेस्टिवल नई दिल्ली, चौथा कंचनजंगा इंटरनेशनल फिल्म फेस्टिवल सिलीगुड़ी, अउ पांचवा एवरेस्ट इंटरनेशनल फिल्म फेस्टिवल, सिलीगुड़ी म ही मिलिस।

ये फिल्म के निर्माण सौम्या वेंचर्स के बैनर तले करे गे हावय। जेकर निर्माता हावय अजय अग्रवाल अउ निर्देशक डॉ पुनीत सोनकर। फिल्म फेस्टिवल म फिल्म के सभी कलाकार मनके बुता के जूरी मन कोति ले सराहना करे गिस अउ फिल्म के उज्जवल भविष्य के कामना तको करिन। ये राष्ट्रीरय सम्मातन मिले के आरो पाके फिलिम ले जुड़े टीम के अलावा छॉलीवुड के कलाकार अउ निर्माता-निर्देशक मन ‘बालीफुल वेलकम टू बस्तर’ के निर्माता-निर्देशक ल बधाई दे हावय।

फ़िल्म फेस्टिवल

• Best Regional film Award (अयोध्या फ़िल्म फेस्टिवल- अयोध्या)
• Best Experimental film Award (कंचनजंगा इंटरनेशनल फ़िल्म फेस्टिवल सिलीगुड़ी)
• Best feature film Award (लेकसिटी इंटरनेशनल फ़िल्म फेस्टिवल नई दिल्ली)
• Best Director (सुनयतं इंटरनेशनल फ़िल्म फेस्टिवल मुम्बई)
• Best Regional film Award (एवेरेस्ट इंटरनेशनल फ़िल्म फेस्टिवल -सिलीगुड़ी)
• Best emerging director (कंचनजंगा इंटरनेशनल फ़िल्म फेस्टिवल सिली गुड़ी)