अंजोर.रायपुर, 23 फरवरी। छत्तीसगढ़ सरकार के हाफ बिजली बिल योजना प्रदेस के लाखों घरेलू बिजली उपयोग करइया के बिजली बिल म 50 परतिसत छूट के लाभ मिले हावय। मुख्यमंत्री भूपेश बघेल ह ए योजना ल लागू करके न सिरिफ महंगाई के दौर म लाखों घरेलू बिजली उपयोग करइया ल राहत पहुंचाये हावय, बल्कि जनता ले करे एक बड़ा वायदा तको पूरा करे हावय। छत्तीसगढ़ के हर गांव, हर शहर म लोगन ल ए योजना ल सोज लाभ मिलत हावय। पहिली 1 महीना के जेन बिजली बिल 1000 ले 1200 रूपिया तक आत रिहिस, वो ह बिल अब ओतका ही बिजली के खपत के खातिर 500 ले 600 रूपिया तक आत रिहिन हावय। येकर ले लोगन ल बिजली म होवइया खर्च म कमी आइस अउ वो बचत रकम के उपयोग अपन दूसर जरूरत ल पूरात करत हावयं।
स्पॉट बिलिंग मशीन :-
1 मार्च 2019 ले लागू करे हाफ बिजली बिल योजना म बिजली उपभोक्ता ल 400 यूनिट तक के बिजली के खपत म 50 परतिसत के छूट मिलत हावय। ए योजना के लाभ ले के खातिर ये जरूरी हावय के बिजली उपभोक्ता ल कोनो बिल लंबित नी हो, ओमन अपन जुन्ना बिजली बिल चुके दे हों। हाफ बिजली बिल योजना ले प्रदेस के 40 लाख घरेलू बिजली उपभोक्ता ल उंकर बिजली बिल म 2145 करोड़ रूपिया के बड़े छूट मिलत हावय। सस्ता बिजली ले गरीब अउ मध्यम वर्ग के लोगन के घर के बजट सुधरत हावय। ए योजना के माध्यम ले जिहां घरेलू बचत के प्रोत्साहन मिले हावय, उहें ये तको सुनिश्चित होइस हावय के लोगन अपन बिजली बिल के सरलग भुगतान करथे। बिल के रकम जमा नइ करइया ल योजना के लाभ नइ मिले।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।