 |
| Dr APJ Abdul Kalam Planetarium Bilaspur |
अंजोर.रायपुर, 25 फरवरी। मुख्यमंत्री भूपेश बघेल ह साढ़े तीन एकड़ म 6 करोड़ 72 लाख रूपिया के लागत ले बने डॉ. ए.पी.जे. अब्दुल कलाम प्लेनेटोरियम के लोकार्पण करिन। ए प्लेनेटोरियम म शहरवासी ल दिन म तको आकाशीय नज़ारा देखाये संग ही विज्ञान अउ खगोलशास्त्र के बारे म जरूरी जानकारी मिलही। दू सौ लोगन के बइठक क्षमता वाला ए प्लेनेटोरियम म अवइया खातिर फोर के सिंगल टेक्नोलॉजी के प्रोजेक्टर लगाये गे हावय, येकर अलावा प्लेनेटोरियम परिसर म ऑक्सीजोन के तको बनाये गे हावय। प्लेनेटोरियम पहुंचे वाला के सुविधा ल धियान म रखत बिलासपुर स्मार्ट सिटी लिमिटेड डहर ले पहुंच रद्दा तको बनाये गे हावय।
डॉ.एपीजे अब्दुल कलाम प्लेनेटोरियम
ए मउका म नगरीय प्रशासन अउ विकास मंत्री डॉ.शिवकुमार डहरिया, राजस्व मंत्री जयसिंह अग्रवाल, उच्च शिक्षा मंत्री उमेश पटेल, सांसद श्रीमती छाया वर्मा, नेता प्रतिपक्ष धरमलाल कौशिक, विधायक शैलेष पाण्डेय अउ छत्तीसगढ़ पर्यटन मंडल के अध्यक्ष अटल श्रीवास्तव सहित केऊ जनप्रतिनिधि उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।