अंजोर.रायपुर, 06 जनवरी। राजीव गांधी ग्रामीण भूमिहीन कृषि मजदूर न्याय योजना के हितग्राही मन ल गणतंत्र दिवस के मउका म पहिली किश्त के भुगतान करिन जाही। ए योजना ले प्रदेश के 3 लाख 56 हजार 485 पात्र परिवार लाभान्वित होही। ये परिवार के सालाना 6 हजार रूपिया के आर्थिक मदद दे जाही। ये बात के घोसना आज मुख्यमंत्री ह अपन निवास कार्यालय म आयोजित आने-आने विभाग के समीक्षा बइठक म करिन। राज्य सरकार डहर ले राजीव गांधी ग्रामीण भूमिहीन कृषि मजदूर न्याय योजना के खातिर 1 सितम्बर 2021 ले 30 नवम्बर 2021 तक हितग्राही मन के पंजीयन करे गे रिहिस। ए योजना के क्रियान्वयन के खातिर राज्य शासन के बजट म के प्रावधान करे गे हावय।
ये मउका म कृषि मंत्री रविन्द्र चौबे, मुख्यमंत्री के सलाहकार प्रदीप शर्मा, विनोद वर्मा अउ राजेश तिवारी, मुख्य सचिव अमिताभ जैन, अपर मुख्य सचिव श्रीमती रेणु जी पिल्ले अउ सुब्रत साहू, प्रमुख सचिव डॉ. आलोक शुक्ला, कृषि उत्पादन आयुक्त डॉ. कमलप्रीत सिंह, सचिव वित्त श्रीमती अलरमेल मंगई डी., राजस्व सचिव एन.एन.एक्का, मुख्यमंत्री के सचिव सिद्धार्थ कोमल परदेशी, गोधन न्याय योजना के नोडल अधिकारी डॉ. एस. भारतीदासन सहित आने-आने विभाग के वरिष्ठ अधिकारी उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।