अंजोर.रायपुर. 4 जनवरी। प्रदेश म 15 ले 18 साल के किशोर मनके टीकाकरण के अच्छा शुरूआत होए हावय। पहिली ही दिन 3 जनवरी के प्रदेश भर म एक लाख 85 हजार 906 किशोर-किशोरी के कोरोना ले बचाव के टीका लगाये गिस। ये प्रदेश म ए उमर वर्ग के कुल 16 लाख 39 हजार 811 किशोर के 11 प्रतिशत ले जादा हावय।
मुंगेली अउ धमतरी जिला म पहिली ही दिन कुल लक्ष्य के 39-39 प्रतिशत, कोंडागांव म 37 प्रतिशत, कांकेर म 20 प्रतिशत, गरियाबंद अउ दुर्ग म 19-19 प्रतिशत, बालोद म 18 प्रतिशत, राजनांदगांव म 15 प्रतिशत, बलौदाबाजार-भाटापारा अउ महासमुंद म 14-14 प्रतिशत अउ कोरिया म 12 प्रतिशत किशोर-किशोरी ल टीका लगाये गिस।
टीकाकरण के शुरूआत के पहिली दिन किशोर म खासा उत्साह देखे गिस। वो अपन अभिभावक के संग बड़ संख्या म टीकाकरण केंद्र पहुंचके अउ सहर्ष कोरोना ले बचाव के टीका लगवाइस। प्रदेश म 15 ले 18 साल उमर वर्ग के टीकाकरण के खातिर 2452 टीकाकरण साइट्स बनाए गे हावयं। कोरोना सक्रंमण ले बचाव के खातिर 3 जनवरी के मुंगेली जिला म 18 हजार 938, धमतरी म 18 हजार 637, कोंडागांव म 13 हजार 434, कांकेर म 9199, गरियाबंद म 6904, दुर्ग म 19 हजार 519, बालोद म 8858, राजनांदगांव म 14 हजार 846, बलौदाबाजार-भाटापारा म 13 हजार 498, महासमुंद म 9041, कोरिया म 4602, सूरजपुर म 4852, कोरबा म 7010 अउ कबीरधाम म 4524 किशोर मनला टीका लगाये गिस।
जशपुर जिला म 3370, दंतेवाड़ा म 1091, रायपुर म 8589, जांजगीर-चांपा म 5611, बिलासपुर म 4065, रायगढ़ म 3385, बस्तर म 1752, बलरामपुर-रामानुजगंज म 1501, सुकमा म 424, गौरेला-पेंड्रा-मरवाही म 576, सरगुजा म 927, बेमेतरा म 597, बीजापुर म 117 अउ नारायणपुर म 39 किशोरों के 3 जनवरी के कोरोनारोधी टीका के पहिली खुराक दीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।