मुख्यमंत्री शहरी स्लम स्वास्थ्य योजना : हर महीना एक लाख ले आगर मरीज ल स्वस्थ बनावत हावय मोबाइल मेडिकल यूनिट

अंजोर.रायपुर, 19 जनवरी। हर गरीब अउ जरूरतमंद मनखे चाहत हावय के जब वो ह बीमार पड़े त ओला अपन इलाज के खातिर भटकना न पड़े। छोटे-छोटे बीमारी के खातिर अपन काम धंधा बंद करके डॉक्टर मन ले अपॉइंटमेंट लेना अउ लाइन म लगके इलाज कराये ले हर कोनो बचना चाहत हावय। लोगन के जरूरत ल धियान रखत छत्तीसगढ़ म शुरू करे गिस मुख्यमंत्री शहरी स्लम स्वास्थ्य योजना अब अपन उद्देश्य अउ लक्ष्य ल न सिर्फ पूरा करत हावय। बल्कि अपन मुहल्ल म ही कैंप लगे ले लोगन ल इलाज म बहुत सहूलियत होए लगे हावय। 

स्वास्थ्य सुविधा म विस्तार के संग गरीब मन के लघियात इलाज करके ओला स्वस्थ बनाये के दिशा म छत्तीसगढ़ सरकार डहर ले उठाए गे कदम के ही परिणाम हावय। मुख्यमंत्री शहरी स्लम स्वास्थ्य योजना ले गरीब परिवार के दिल जीतत हावय। मुख्यमंत्री दाऊ भूपेश बघेल के दिशा-निर्देशन म 1 नवंबर 2020 के प्रदेश के 14 नगर पालिक निगम म सुरू होए ए योजना ले अभी तक 15 लाख ले जादा मरीज मन के उपचार हो चुके हावय। मोबाइल मेडिकल यूनिट ले लगे वाला कैम्प अउ स्वास्थ्य लाभ मिले करे वाला के संख्या देखे जाए त हर महीना एक लाख ले जादा मरीज मोबाइल मेडिकल यूनिट के माध्यम ले स्वस्थ होत हावयं।   

1 नवम्बर 2020 के प्रदेश के 14 नगर पालिक निगम म शुरू होए 60 मुख्यमंत्री शहरी स्लम स्वास्थ्य योजना के ले 20 हजार 500 शिविर म 14 लाख 31 हजार 383 मरीज लाभान्वित होए हावयं। उहें दाई दीदी क्लीनिक ले 1014 शिविर म 77017 मरीज मन के उपचार करे जा चुके हावय। मोबाइल मेडिकल यूनिट ले अब तक 15 लाख ले जादा मरीज मन के स्वास्थ्य लाभ मिल चुके हावय। नगरीय क्षेत्र म स्लम म रइया वाला मजूदर, गरीब मन के खातिर ये योजना राहत के समान हावय।