बीमित किसान फसल क्षति के आरो देके पा सकत हावय क्षतिपूर्ति राशि

अंजोर.अम्बिकापुर 19 जनवरी। पश्चिमी विक्षोभ के सेती असामयिक वर्षा, ओला वृष्टि अउ कोहरा के स्थिति बने रिहिस हावय जेकर ले जिला म अभी के बेरा रबी मौसम म किसान मन के बोए आने-आने रबी फसल मन के क्षति होए के पूरा संभावना हावय।

फसल क्षति पूर्ति बर प्रधानमंत्री फसल बीमा योजना ले बीमित किसान फसल नुकसान के सूचना फसल क्षति के 72 घंटा के भीतर फसल क्षति बीमा के कारन सहित बीमा कंपनी या कृषि विभाग या राजस्व विभाग के अधिकारी ल दे सकत हावयं। येकर संग ही टोल फोकट म नंबर 1800116516 अउ 1800 4190344 म तको सूचना दे सकत हावयं।

उप संचालक कृषि ह बताइन के जिला म रबी मौसम म 42046 हेक्टेयर म किसान मनके रबी फसल के खेती करे गिस हावय जेमा गेंहू सिंचित अउ असिंचित, चना, अलसी अउ राई सामिल हावय। विकासखंड स्तरीय कृषि या राजस्व विभाग के अधिकारी अउ बीमा कंपनी के प्रतिनिधि डहर ले फसल क्षति के आंकलन करके ए घटक ले अधिकतम देय मदद रकम के अध्ययन, प्रभावित क्षेत्र के आपदा घटित होए तक फसल कास्त लागत के अनुपात म होही।