अंजोर.रायपुर, 20 जनवरी। एशिया बुक ऑफ रिकॉर्ड्स अउ इंडिया बुक ऑफ रिकॉर्ड्स ह रायपुर पुलिस डहर ले सड़क सुरक्षा अउ यातायात जागरूकता म चलाए गे सप्ताहव्यापी अभियान म एक ही दिन म 1,02,468 नागरिक डहर ले सड़क सुरक्षा के खातिर संकल्प लेके एक रिकार्ड के रूप म दर्ज करे हावय।
रायपुर के नागरिक ह रायपुर पुलिस डहर ले ’सुनो रायपुर’ थीम म 26 दिसंबर 2021 ले 1 जनवरी 2022 तक सप्ताह भर आयोजित करे गे ए अभिनव अभियान के बखत एक जनवरी के सड़क सुरक्षा संकल्प पत्र म दस्तखत करके नवा साल म सड़क सुरक्षा के संकल्प लिस। मुख्यमंत्री भूपेश बघेल ह रायपुर पुलिस डहर ले सड़क सुरक्षा जागरूकता के लेके चलाए गे ए अभिनव अभियान के सराहना करे हावय।
सड़क सुरक्षा अउ यातायात नियम के प्रति लोगन ल जागरूक करे के खातिर रायपुर पुलिस ह सक्रिय स्वयं सेवक के मदद ले ’सुनो रायपुर’ नाम ले चलाए गे ए अभियान म कई लइका अपन सुरक्षा नियम के पालन करे के संदेश देके रायपुर पुलिस के समर्थन करे के खातिर आगू आए रिहिस।
दिव्यांग कॉलेज मन के विकलांग लइका ह तको अभियान के समर्थन करे के खातिर एक बहुत ही समझदार अउ भावनात्मक वीडियो संदेश दे रिहिस। ’सुनो रायपुर’ के शुभारंभ एसएसपी रायपुर प्रशांत अग्रवाल डहर ले 26 दिसंबर के संझा के मैग्नेटो मॉल रायपुर म जागरूकता कार्यक्रम के रूप म करिन।
जानबा होवय के भारत म हर साल लगभग 1.5 लाख लोगन सड़क हादसा म मार जात हावयं। अकेला रायपुर जिला म ही हर साल करीब 450 लोगन के मउत होत हावय। ये मउत के पाछु मुख्य कारन तेज गति ले वाहन चलाना, सीट बेल्ट न लगाना अउ हेलमेट न पहनना हावय। कुछ लोगन शराब पीके तको गाड़ी चलात हावयं अउ अपन अउ दूसर के जान जोखिम म डालत हावयं। कई लोगन के सेलफोन ल इस्तेमाल करत गाड़ी चलात देखे जा सकत हावय। बुनियादी सड़क सुरक्षा नियम के पालन करे ले दुर्घटना म होवइया मउत ल कम करे जा सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।