अंजोर.रायपुर,11दिसम्बर। जवाहर नवोदय विद्यालय माना कैम्प रायपुर म शैक्षणिक सत्र 2022-23के खातिर कक्षा छठवीं म प्रवेश बर ऑनलाइन आवेदन के आखरी तिथि बढ़ाके 15 दिसंबर 2001 तक कर दे गे हावय। जानबा होवे के कक्षा 6 वी म प्रवेश बर अब तक 10 हजार ले जादा पढ़ईया मन ह ऑनलाइन आवेदन करे हावय। ए संबंध म ऑनलाइन आवेदन के बखत होए त्रुटि या गलती ल सुधारे के खातिर सीबीएसई नवा दिल्ली डहर ले 16 अउ 17 दिसम्बर 2021 माने केवल 2 दिन के खातिर वेबसाइट/पोर्टल खुला रइही। जेन आवेदक ह लिंग (लड़का/लड़की) जाति (सामान्य/अपिव/एस.सी./एस.टी.), ग्रामीण / शहरी, विकलांगता या परीक्षा के माध्यम (हिंदी/अंग्रेजी) संबंधी त्रुटि/गलती करे हो ये संबंधित वेबसाइट म जाके सुधार करके सकत हावयं।
कक्षा छठवीं म प्रवेश परीक्षा के खातिर जन्मतिथि 1 मई 2009 ले 30 अप्रैल 2013 दुनों तिथि सामिल हावय। प्रवेश के खातिर 30 अप्रैल 2022 के परीक्षा आयोजित करिन जाही। ऑनलाइन आवेदन वेबसाइट navodaya.gov.in, https या cbseitms.nic.in ले करे जा सकत हावय। उक्त प्रवेश परीक्षा बर ऑनलाइन आवेदन करे के विधि, प्रवेश नियम अउ पाठ्यक्रम उक के जानकारी नवोदय विद्यालय समिति के वेबसाइट www.navodaya.gov.in म ले जा सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।