मोती नाला के मनोहारी इलाका म सड़क दुर्घटना म 7 लोगन के मउत, मुख्यमंत्री शोक जतावत घायल के बढि़या उपचार के दिस निर्देश

अंजोर.रायपुर, 11 दिसम्बर। मुख्यमंत्री दाऊ भूपेश बघेल ह बेमेतरा जिला के नवागांव अउ कबीरधाम जिला के सीमा के मोती नाला के मनोहारी इलाका म होए सड़क दुर्घटना म 7 लोगन के मृत्यु म गहरा शोक व्यक्त करे हावय। ये दुनों ठऊर मन म होए सड़क दुर्घटना म सात लोगन के मृत्यु अउ कुछ लोगन घायल होए हावयं। मुख्यमंत्री ह जिला प्रशासन बेमेतरा अउ जिला प्रशासन कबीरधाम मृतक के घर वाला अउ घायल लोगन के लघियात मदद पहुंचाये के निर्देश दे हावयं। 

मुख्यमंत्री ह दिवंगत आत्मा के शांति  के खातिर ईश्वर ले प्रार्थना करे हावय। ओमन मृतक के घर वाला के प्रति संवेदना व्यक्त करे के संग ही घायल लोगन के जल्दी  स्वस्थ्य लाभ के कामना करे हावय। जानबा होवय के बेमेतरा जिला के खैरी गांव के कुछ लोगन एक पिकअप वाहन म सवार होके बेमेतरा आत रिहिस, इही बखत नवागांव म एक आन वाहन ले टक्कर हो जाये ले तीन लोगन के मृत्यु अउ आन मन घायल हो गे हावयं। कबीरधाम जिला अउ मध्यप्रदेश के सीमा के मोती नाला के मनोहारी इलाका म कार के एक बेकाबू ट्रक ह टक्कर मार दी, जेकर ले कार म सवार चार युवक के मउका म ही मृत्यु हो गे। मृत चार युवक कबीरधाम के आए।