मया मंडई अउ युवोदय कोण्डानार चैम्पस अभियान के विधायक करिस शुभारंभ

अंजोर.कोण्डागांव, 10 दिसम्बर। विधायक  नारायणपुर अउ हस्तशिल्प कला बोर्ड के अध्यक्ष चंदन कश्यप डहर ले जिला म सुपोषण अउ बाल स्वास्थ्य बर स्वास्थ्य विभाग अउ यूनीसेफ के संयुक्त प्रयास ले बनाये ‘मया मंडई’ अउ ‘युवोदय कोण्डानार चैम्पस’ अभियान के शुभारंभ करिन गे। ए मउका म कलेक्टर पुष्पेन्द्र कुमार मीणा, जिला पंचायत अध्यक्ष देवचंद मातलाम, उपाध्यक्ष भगवती पटेल, नगर पालिका अध्यक्ष हेमकुवंर पटेल, यूनीसेफ के सी4 डी प्रमुख सिद्धार्थ श्रेष्ठ, यूनीसेफ के राज्य प्रमुख जॉब जकारिया, जिला पंचायत सीईओ प्रेम प्रकाश शर्मा, यूनीसेफ सी4डी विशेषज्ञ अभिषेक सिंह सहित आन विभागीय अधिकारी, स्वास्थ्य विभाग केआरएचओ, एनएम, मितानीन अउ महिला बाल विकास विभाग ले सुपरवाइजर, आंगनबाड़ी कार्यकर्ता सहित आन कर्मचारी उपस्थित रिहिनं।

’मया मंडई’ डहर ले 5 के शक्ति म होही जोर

हल्बी भाषा म मया के अर्थ मां के ममता अउ मंडई के अर्थ तिहार या मेंला ले होथे हावय। आदिवासी अंचल म मंडई के महत्व ल देखत जिला प्रशासन डहर ले बच्चा के मां के धियान रखत होए ओला अवइया जीवन के खातिर स्वस्थ्य भविष्य के तइयारी ल त्योहार के रूप म मया मंडई अभियान जिला प्रशासन अउ यूनीसेफ के प्रयास ले सुरू करे गें हावय। ए अभियान के 5 मुख्य आधार ल 5 के शक्ति के रूप म संबोधित करे गे हावय। जेमा बच्चा के टीकाकरण, मातृस्वास्थ्य, महिला मन म एनिमिया, कुपोषण अउ बाल स्वास्थ्य सामिल हावय। एमे 5 आधार ल बल देत बच्चा ल सुरू म ही उचित महौल दे के प्रयास करे जात हावय। 

’युवोदय कोण्डानार चैम्पस’ डहर ले युवा भी विकास म बनही सहभागी

जिला प्रशासन डहर ले गांव के क्षमतावान युवा मनके क्षमता ल गांव के विकास म प्रयोग करे के उद्देश्य ले युवोदय कोण्डानार चैम्पस अभियान सुरू करे गे हावय। येकर ले गांव के युवा मनके गांव के सामाजिक आर्थिक विकास बर युवोदय कोण्डानार के स्वयंसेवी (वालेंटीयर) के रूप म बुता करे बर मउका दे जाही। ये स्वंयसेवी अवैतनिक होही अउ अउ ये गांव के अन्दर समाहित समस्या जइसे लिंग असमानता, बच्चा के विरूद्ध अपराध, अस्वच्छता अउ कुपोषण जइसे समस्या के विरूद्ध प्रशासन के सहयोग करके गांव के विकास अउ प्रगति म अपन योगदान दे पाही।