एनटीपीसी लारा कोति ले भू-विस्थापित मनला प्राथमिकता के आधार मिलही नौकरी: मुख्यमंत्री दाऊ भूपेश बघेल

अंजोर.रायपुर, 6 दिसम्बर। मुख्यमंत्री दाऊ भूपेश बघेल के सरलग प्रयास अउ विशेष पहल ले आज रायगढ़ म आयोजित कार्यक्रम म एनटीपीसी लारा ताप विद्युत परियोजना के खातिर भूमि अधिग्रहण ले प्रभावित 9 गांव के 49 भू विस्थापित लोगन ल उंकर पात्रता के मुताबिक एनटीपीसी लारा डहर ले स्थायी नियुक्ति दे गिस। मुख्यमंत्री दाऊ बघेल भी ए कार्यक्रम म अपन निवास कार्यालय ले वीडियो कॉन्फ्रेंसिंग के माध्यम ले जुड़े रिहिस। ओमन नौकरी मिले सबो लोगन ल बधाई अउ शुभकामना दीस। जानबा होवय के येकर पहिली भी प्रभावित 6 भू विस्थापित ल नौकरी दे गे रिहिस। मुख्यमंत्री के निर्देश म बांचे बचे पद म भरती के खातिर फेर ले विज्ञापन निकालके परीक्षा आयोजित करे गिस, जेकर माध्यम ले आज 49 लोगन ल आज नियुक्ति दे गिस। ए रकम ले अब तक कुल 55 भू- विस्थापित ल पात्रतानुसार नौकरी दे जा चुके हावय। 

एनटीपीसी लारा डहर ले भू-विस्थापित के खातिर आने-आने कुशल ट्रेड म आईआईटी डिप्लोमा, लैब असिस्टेंट अउ असिस्टेंट जनरल के 79 पद म भरती के विज्ञापन निकाले गे रिहिस। एमे ले 22 आरक्षित पद म नियुक्ति होना अभी बांचे हावय। मुख्यमंत्री दाऊ भूपेश बघेल ह अभी भी बांचे बचे भरती के 22 पद म पात्र भू-विस्थापित लोगन के उंकर योग्यता मुताबिक नियुक्ति दे करे के खातिर उचित पहल करे के निर्देश आज कार्यक्रम म उपस्थित एनटीपीसी प्रबंधन के अधिकारी मन अउ कलेक्टर रायगढ़ ल दे हावयं। मुख्यमंत्री ह कार्यक्रम म किहिन के एनटीपीसी लारा के खातिर अधिग्रहित करे गिस भूमि ले प्रभावित होए भू-विस्थापित ल पात्रतानुसार प्राथमिकता के आधार म एनटीपीसी लारा म भविष्य म होए वाला भर्ती म नौकरी दे जानी चाही। छत्तीसगढ़ के लोगन ल भरती म प्राथमिकता दे जानी चाही।