स्कूल शिक्षा विभाग के विज्ञापित पद के परीक्षा परिणाम के वैधता म फेर छह महीना के बाढि़स

अंजोर
0

अंजोर. रायपुर, 06 दिसम्बर। मुख्यमंत्री दाऊ भूपेश बघेल के निर्देश म स्कूल शिक्षा विभाग म 14 हजार 580 पद म भरती के खातिर व्यापम ले मिले परीक्षाफल सूची के वैद्यता म फेर छह महीना के बड़वार कर दीस हावय। राज्य शासन के स्कूल शिक्षा विभाग डहर ले ए संबंध म आज मंत्रालय ले आदेश जारी कर दे हावय। जानबा होवय के राज्य शासन डहर ले पहिली म 01 सितम्बर 2020 के परीक्षाफल सूची के वैधता म एक साल के बड़वार करे रिहिस। अभी के बेरा म प्रकरण म माननीय उच्च न्यायालय बिलासपुर डहर ले भरती प्रक्रिया म रोक लगाए जाये के आदेश प्रभावशील होए के सेती आदेश जारी करे म लगभग छह महीना के अऊ समय संभावित हावय। इही सेती ए विशेष परिस्थिति ल धियान म रखत राज्य शासन डहर ले व्यापम ले मिले परीक्षाफल सूची के वैधता म फेर 6 महीना के बड़वार करे गिस हावय।

जारी आदेश म उल्लेख म करिन हावय लोक शिक्षण संचालनालय ह 9 मार्च 2019 के 14 हजार 580 पद म सोज भरती बर विज्ञापन जारी करे गे रिहिस। ए विज्ञापन के कण्डिका म ये उल्लेख रिहिस के ‘व्यापम’ ले मिले परीक्षाफल सूची, परीक्षाफल जारी होए के दिनांक ले एक साल तक वैद्य होही। कोरोना महामारी ले उपजे स्थिति के सेती अभी के बेरा म भरती के कार्रवाई पूरा नइ हो सके हावय, इही सेती विशेष परिस्थिति ल धियान म रखत होए राज्य शासन डहर ले व्यापम ले मिले परीक्षाफल के सूची के वैधता म 01 सितम्बर 2020 के एक साल के बड़वार करे गिस।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !