आर्थिक रूप ले कमजोर होनहार युवा कलाकार मनला मिलही छात्रवृत्ति, संस्कृति विभाग मंगाइस आवेदन... अंजोर म पढ़व पूरा खबर

अंजोर
0

अंजोर.रायपुर, 22 दिसम्बर। राज्य शासन डहर ले आर्थिक रूप ले कमजोर होनहार युवा कलाकार-छात्र ले छात्रवृत्ति के खातिर आवेदन आमंत्रित करे गे हावयं। आवेदन जमा करे के आखरी तिथि 31 जनवरी 2022 तक करार हावय। संस्कृति विभाग डहर ले संचालित ‘‘अर्थाभावग्रस्त होनहार युवा कलाकार-छात्र मन के खातिर छात्रवृत्ति योजना, 2021’’ के तहत छात्रवृत्ति के खातिर अइसे युवा कलाकार अउ छात्र-छात्रा ले प्रवृष्टियां आमंत्रित करे गे हावय। 

जानबा होवय के आर्थिक रूप ले कमजोर युवा कलाकार के उच्च प्रशिक्षण अउ शिक्षा के खातिर राज्य के अइसे छात्र-छात्रा जेन संगीत, नृत्य, प्रदर्शनकारी कला विधा म पढ़त होही, गुरू शिष्य परंपरा के तहत पारंपरिक लोक कला सीखने वाला लइका सहित ए रकम ले आन विधा म प्रशिक्षण लेत कलाकार-छात्र-छात्रा ल मासिक छात्रवृत्ति प्रोत्साहन के रूप म दे के उद्देश्य ले ‘‘अर्थाभावग्रस्त होनहार युवा कलाकार-छात्र मन के खातिर छात्रवृत्ति योजना, 2021’’ शुरू करे गे हावय। 

योजना के तहत लोक-पारंपरिक जनजातीय कला अउ उप विधा, शास्त्रीय संगीत, शास्त्रीय नृत्य अउ नृत्य संगीत, रंगमंच, दृश्य कला, सुगम शास्त्रीय संगीत के प्रशिक्षण या पढ़त होनहार युवा कलाकार-छात्र-छात्रा येकर लाभ ले सकत हावयं। योजना के लाभ ले के खातिर छत्तीसगढ़ के वास्तविक निवासी हो, आवेदक के उमर 15 साल ले कम अउ 30 साल ले जादा न हो, आवेदक या उंकर परिवार के वार्षिक आय 72 हजार रूपिया ले जादा नइ होना चाही। आवेदक ल संस्कृति विभाग के चिन्हारी पोर्टल म पंजीयन अनिवार्य हावय। विधा, निर्धारण, वार्षिक प्रोत्साहन न्यूनतम रकम 5 हजार ले अधिकतम 10 हजार रूपिया होही। इच्छुक मनखे योजना ले संबंधित विस्तार ले जानकारी विभागीय वेबसाईट www.cgculture.in म अवलोकन कर सकत हावयं।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !