मूकबधिर इशिका ल मिलिस सुने-बोले के ताकत, मंतरी के पहल म परिवार म छाईस खुशी

अंजोर.रायपुर, 09 दिसम्बर। रायगढ़ के इशिका ह जब जन्म के ढाई साल के बाद भी बोलना शुरू नइ करिन त माता-पिता की चिंता बढ़ गे। इलेक्ट्रॉनिक्स के व्यवसाय करइया पिता दिलीप अरोरा इशिका के कान के खातिर महंगा उपकरण ले म समर्थ नइ रिहिस, फेर ओमन हार नइ मानी अउ इशिका के बोलत देखे के खातिर प्रयास करे लगे। उंकर ए परेशानी ल दूरिहा करत समाज कल्याण मंत्री श्रीमती अनिला भेंड़िया के पहल ले 11 साल बाद इशिका के सुने-बोले के ताकत मिले हावय।

मंत्री श्रीमती भेंड़िया के निर्देश म उंकर रायपुर स्थित निवास म स्पीच ऑडियोलॉजिस्ट राकेश पाण्डे ह जब इशिका के कान म साउण्ड प्रोसेसर लगाइस त अपन के आवाज सुनके उंकर चेहरे म चमक आ गे। इशिका के माता-पिता भी उंकर मुंह ले पापा-मम्मा सुनके खुश नजर आए अउ श्रीमती भेंड़िया के मदद के खातिर आभार व्यक्त करिन। ऑडियोलॉजिस्ट राकेश पाण्डे ह इशिका के माता-पिता के विस्तार ले उंकर थेरेपी के बारे म समझात बताइन के इशिका के सुने के क्षमता बहुत कम हावय अउ ओला 90 डेसिबल ले जादा सुने म परिशानी हावय। लइका सुन नइ पाती इही सेती ओमा शब्द अउ आवाज के पहचान अउ समझ ही विकसित नइ होए हावय। शब्द सुन नइ पाये के सेती वो ह बोल भी नइ सके। स्पीच थेरेपी के मदद ले इशिता ल शब्द के पहचाने म मदद करे जाही जेकर ले ओला बोले म मदद मिलही। ओमन बताइन के ऑनलाइन माध्यम ले भी स्पीच थेरेपी के सुविधा ले जा सकत हावय।