अंजोर.बलौदाबाजार,9 दिसम्बर। जिला रोजगार अउ स्व रोजगार मार्गदर्शन केंद्र डहर ले 13 दिसम्बर 2021 के प्लेसमेंट कैम्प के आयोजन करे जाही। ये कैम्प लाईवलीहुड कॉलेज सकरी, बलौदाबाजार म होही। ए संबंध म जिला रोजगार अधिकारी मनोरमा भगत ह बताइन प्लेसमेंट ए प्लेसमेन्ट केम्प म नियोजक के रूप म रालास मोटर्स सेल्स बलौदाबाजार डहर ले वासिंग बाय के 2 पद, सो रूम सेल्स मेन के 1 पद, आफिस बाय के 1 पद,डिजल मेकेनिक के 2 पद जेकर खातिर योग्यता 5 वीं ले 12वीं अउ आईटीआई पास अइसे आवेदक जेकर 18 ले 35 तक हो भाग ले सकत हावय।
वेतन पदानुसार 6 हजार 500 रूपिया ले देय होही अउ पद स्थापना बलौदाबाजार होही। मानव मोटर्स बलौदाबाजार डहर ले सेल्स के 8 पद, टेक्निशियन के 6 पद, योग्यता 12वीं अउ आईटीआई (डीजल मैकेनिक) उमर 18 ले 40 साल हो भाग ले सकत हावय। वेतन पदानुसार 6500 ले 10 हजार तक देय होही,कार्यक्षेत्र बलौदाबाजार होही। उही रकम ले रालास मोटर्स सर्विस बलौदाबाजार डहर ले मेकेनिक के 2 पद योग्यता आईटीआई मेकेनिक,उम्र 18 ले 40 साल वेतन 6500 ले 10 हजार तक देय होही, कार्यक्षेत्र बलौदाबाजार होही।
प्लेसमेन्ट कैम्प बिहनिया 11 ले 3 बजे तक होही। इच्छुक आवेदक सबो प्रमाण, आधार कार्ड, दो पासपोर्ट साइज फोटो सहित कोविड-19 के धियान म रखत उपस्थित हो सकत हावय। जादा जानकारी बर जिला रोजगार कार्यालय ले या फोन न. 07727-222143 ले सम्पर्क करके सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।