पंडित रविशंकर शुक्ल अउ यतियतन लाल सम्मान खातिर आवेदन 25 सितम्बर

अंजोर.रायपुर,16 सितम्बर। छत्तीसगढ़ शासन डहर ले पंडित रविशंकर शुक्ल सम्मान अउ यतियतन लाल सम्मान खातिर पात्र आवेदक ले प्रविष्टि आमंत्रित करे गे हावय, आवेदन 25 सितम्बर तक कलेक्टर कार्यालय म प्रस्तुत करे जा सकत हावय।

पंडित रविशंकर शुक्ल सम्मान

राज्य शासन ह समाजिक, आर्थिक अउ शैक्षणिक क्षेत्र म करे गे अभिनव प्रयास के खातिर सम्मानित करे अउ ओमा एक राष्ट्रीय कीर्तिमान विकसित करे खातिर राज्य स्तरीय ‘‘पंडित रविशंकर शुक्ल सम्मान‘‘ के स्थापना करे हावय। साल 2021 के खातिर ये पुरस्कार बर छत्तीसगढ़ के एक मनखे या एक संस्था के चयन बर 25 सितम्बर के संझा 05 बजे तक आवेदन आमंत्रित करे गे हावय। ये पुरस्कार के तहत 02 लाख रूपिया चयनित मनखे या संस्था ल नगद दे जाही, संग ही प्रतीक चिनहा अउ प्रमाण पत्र भी प्रशस्ति के रूप म दे जाही।

ये पुरस्कार राज्य शासन डहर ले नियुक्त निर्णायक मंडल (जूरी) डहर ले चयन होए म ही दे जाही। पुरस्कार बर मनखे या संस्था के पूरा परिचय, सामाजिक, आर्थिक अउ शैक्षणिक क्षेत्र म अभिनव प्रयत्न के खातिर करे गे बुता के सप्रमाण जानकारी, यदि कोनो आन पुरस्कार मिले होही त ओकर विवरण, सामाजिक, आर्थिक अउ शैक्षणिक क्षेत्र म उत्कृष्ट बुता अउ येकर सैद्धांतिक पक्ष के विषय म प्रकाशित साहित्य के सत्यापित फोटो प्रति अउ प्रख्यात पत्र-पत्रिका, ग्रंथ के माध्यम ले उपलब्ध साहित्य, चयन होए के दशा म सम्मान ग्रहण करे के बारे म मनखे के लिखित सहमति अउ यदि आवेदक राज्य या केन्द्र शासन के कोनो विभाग, निगम, मंडल म सेवारत होही त ओकर साफ उल्लेख प्रविष्टि म करना होही।

यतियतन लाल सम्मान

राज्य शासन डहर ले अहिंसा अउ गौ रक्षा के क्षेत्र म करे गे अविस्मरणीय कार्य, सेवा अउ अभिनव प्रयास के खातिर सम्मानित करे अउ ओमा एक राष्ट्रीय कीर्तिमान विकसित करे खातिर राज्य स्तरीय ‘यतियतन लाल सम्मान’ के स्थापना करे गे हावय। साल 2021 बर ये पुरस्कार के खातिर छत्तीसगढ़ के एक व्यक्ति, एक संस्था के चयन बर 25 सितम्बर तक आवेदन आमंत्रित करे गे हावय। ये पुरस्कार के तहत् 02 लाख रूपिया चयनित मनखे अउ संस्था ल नगद दे जाही, संग ही प्रतीक चिनहा अउ प्रमाण-पत्र भी प्रशस्ति के रूप म दे जाही।

ये पुरस्कार राज्य शासन डहर ले नियुक्त निर्णायक मंडल (जूरी) डहर ले चयन होए म ही दे जाही। पुरस्कार बर मनखे अउ संस्था के पूरा परिचय, अहिंसा अउ गौरक्षा के क्षेत्र म करे गे अविस्मरणीय कार्य, सेवा अउ अभिनव प्रयास के खातिर करे गे बुता के सप्रमाण जानकारी, यदि कोनो आन पुरस्कार मिले होही त ओकर विवरण, अहिंसा अउ गौरक्षा के क्षेत्र म उत्कृष्ट बुता अउ येकर सैद्धांतिक पक्ष के विषय म प्रकाशित साहित्य के सत्यापित छायाप्रति, अहिंसा अउ गौरक्षा के क्षेत्र म उत्कृष्ट बुता के संबंध म प्रख्यात पत्र-पत्रिका, ग्रंथ के माध्यम ले उपलब्ध साहित्य, चयन होए के दशा म सम्मान ग्रहण करे के बारे म मनखे के लिखित सहमति, यदि आवेदक राज्य या केन्द्र शासन के कोनो विभाग, निगम, मंडल म सेवारत होही त ओकर साफ उल्लेख प्रविष्टि म करना होही। आवेदक अपन प्रविष्टि कलेक्टर कार्यालय म 25 सितम्बर तक प्रस्तुत कर सकत हावयं।