सरलग बरसत पानी म उफनावत नदिया-नरवा नाहके के मनाही, माल-मवेशी ल तको राखव दुरिहा : जिला कलेक्टर

अंजोर.महासमुंद, 15 सितंबर। मानसून के बखत महासमुंद सहित पड़ौसी ज़िल म होवत बरसात के सेती कलेक्टर जारी संदेश म किहिन के मनखे अपन सुरक्षा के संग-साथ मवेशर मनके भी ख्याल रखें। बाढ़ के आशंका होए म बंधाय मवेशी ल खोल देवे ताकि बाढ़ म ये मूक जीव सुरक्षित ठऊर म पहुंच सकें। कलेक्टर ह किहिन के तेज बरसात म उफनत नाल ल मनखे पार नइ करें। पानी उबालके-छानके पीयें। बरसात म तुँहर आसपास बाढ़ के स्थिति उपजे या प्राकृतिक आपदा, घटना-दुर्घटना के जानकारी बाढ़ आपदा रोकथाम केन्द्र महासमुंद के फोन क्रमांक 07723-223305 म कर सकत हावय। प्राकृतिक आपदा ले बचाव अउ राहत बेवस्था के खातिर कार्यालय कलेक्टर महासमुंद म आपदा रोकथाम कक्ष स्थापित करे गे हावय, जेन 24 घंटा चालू रइही। जिला वासी कोनो भी विपरीत परिस्थिति के सूचना रोकथाम कक्ष म दे सकत हावय।

कलेक्टर श्री सिंह ह किहिन के बरसात के मौसम म पशु मन के खास ख्याल रखना चाही। काबर के ए मौसम म पशु मन म कई रकम के बीमारी हो सकत हावय, जेमा कई बार उंकर जान भी चले जाथे। इही सेती जरूरी हावय के किसान-पशुपालक अपन पशु मनल समय-समय म देखत राहय, ओमा कोनो बीमारी के लक्षण नजर नइ आये म तुरते पशु डॉक्टर के सलाह लें। ओमन किहिन के बरसात के मौसम म मवेशी मनके खुर अउ मुख संबंधी बीमारी ज्यादातर होथे।