मंतरी परिसद के बइठका : छत्तीसगढ़ संस्कृति परिषद म होही साहित्य अकादमी, कला अकादमी, आदिवासी, लोक कला अकादमी, छत्तीसगढ़ फिल्म विकास निगम, छत्तीसगढ़ राजभाषा आयोग अउ छत्तीसगढ़ सिंधी अकादमी

अंजोर.रायपुर, 8 सितंबर। छत्तीसगढ़ संस्कृति परिषद के साहित्य अकादमी म अध्यक्ष अउ 8 सदस्य के ठऊर म 9 सदस्य होही। येकर संग ही साहित्य अकादमी, कला अकादमी, आदिवासी अउ लोक कला अकादमी, छत्तीसगढ़ फिल्म विकास निगम, छत्तीसगढ़ राजभाषा आयोग अउ छत्तीसगढ़ सिंधी अकादमी के मानदेय अउ भत्ता म संशोधन के अनुमोदन करे गिस। से साल राष्ट्रीय आदिवासी नृत्य महोत्सव 28 अक्टूबर ले एक नवंबर छत्तीसगढ़ राज्योत्सव तक आयोजित करे जाही। पहिली तीन दिन 28, 29 अउ 30 अक्टूबर के आदिवासी नर्तक दल के कार्यक्रम, 31 अक्टूबर के पहिली प्रधानमंत्री भारत रत्न स्वर्गीय श्रीमती इंदिरा गांधी जी के पुण्यतिथि के प्रदर्शनी अउ डाक्युमेंटी के प्रदर्शन अउ एक नवबंर के छत्तीसगढ़ राज्योत्सव के कार्यक्रम आयोजित करे जाही।

छत्तीसगढ़ फिल्म नीति-2021

छत्तीसगढ़ फिल्म नीति-2021 के निर्माण के अनुमति दे करे गिस। फिल्म नीति के प्रमुख उद्देश्य छत्तीसगढ़ राज्य के फिल्म अनुकूल राज्य बनाये, फिल्म शूटिंग के खातिर छत्तीसगढ़ के सेंट्रल हब के रूप म विकसित करना, स्थानीय प्रतिभा के खातिर रोजगार के मउका के विकास करना, फिल्म निर्माण के क्षेत्र म राज्य म निवेशक ल प्रोत्साहित करे अउ प्रदेश के प्राकृतिक अउ सांस्कृतिक जगह के फिल्म के माध्यम ले राष्ट्रीय अउ अंतर्राष्ट्रीय पहचान दिलाना हावय।

बइठक म फइसला ले गिस के छत्तीसगढ़ म बने राष्ट्रीय अवार्ड पाये फिल्म ल प्रोत्साहन अनुदान दे जाही। जेकर तहत सूचना अउ प्रसारण मंत्रालय नवा दिल्ली ले प्राईम कैटेगरी म राष्ट्रीय अवार्ड पाये छत्तीसगढ़ी पृष्ठभूमि के सर्वोत्तम फिल्म, सर्वोत्तम निदेशक, सर्वोत्तम अभिनेता, सर्वोत्तम अभिनेत्री, राष्ट्रीय एकता या सामाजिक संदेश उक मापदण्ड बर अधिकतम एक करोड़ रूपिया के रकम (कोनो भी एक कैटेगरी म अउ साल म एक बार) अतिरिक्त अनुदान के प्रावधान करे गे हावय।