छबिराम पटेल के नवा किताब ‘ज्ञान मंजरी’ के विमोचन करिन गृह मंत्री ताम्रध्वज साहू जी

अंजोर.रायपुर, 10 सितम्बर। महासमुंद जिला के विकासखण्ड पिथौरा के शासकीय पूर्व माध्यमिक शाला ठाकुरदिया कला म के प्रधानपाठक छबिराम पटेल के नवा पुस्तक "ज्ञान मंजरी" के विमोचन छत्तीसगढ़ शासन के गृह मंत्री ताम्रध्वज साहू ह रायपुर निवास कार्यालय म करिन। ए मउका म पुस्तक के लेखक छबिराम पटेल, सर्व आदिवासी समाज के प्रदेश सचिव गोलू रावल, आदिवासी समाज जिलाध्यक्ष मनराखन ठाकुर, शिक्षक तुलसीराम पटेल अउ जनप्रतिनिधिगण उपस्थित रिहिन। गृह मंत्री श्री साहू ह प्रसन्नता व्यक्त करत लेखक ल बधाई अउ शुभकामनाएं दीस। लेखक छबिराम पटेल ह अपन ए पुस्तक के बारे म बताइन के ये पुस्तक अंतरराष्ट्रीय मानक स्तर नम्बर आईएसबीएन ले युक्त हावय। ए पुस्तक म 1800 सूक्ति वाक्य माने सकारात्मक अउ प्रेरणादायक विचार सामिल हावयं। ए पुस्तक म कुल 126 पृष्ठ हावयं अउ पुस्तक संकल्प पब्लिकेशन बिलासपुर ले प्रकाशित होए हावय। जेकर कीमत 260 रूपिया करार हावय। सकारात्मक अउ प्रेरणादायक विचार वाले पुस्तक जनमानस के खातिर लाभदायक साबित होही।