शहीद महेन्द्र कर्मा तेंदूपत्ता सामाजिक सुरक्षा योजना : राज्य शासन डहर ले 12 करोड़ रूपिया ले आगर के रकम जारी

अंजोर.रायपुर, 16 सितम्बर। छत्तीसगढ़ शासन डहर ले शहीद महेन्द्र कर्मा तेंदूपत्ता संग्राहक सामाजिक सुरक्षा योजना के कुशल क्रियान्वयन के खातिर 12 करोड़ 7 लाख 78 हजार 500 रूपिया के प्रतिपूर्ति अउ अनुदान रकम जारी कर दे गे हावय। 

मुख्यमंत्री दाऊ भूपेश बघेल के मंशा के मुताबिक छत्तीसगढ़ म राज्य शासन डहर ले वनवासी अउ लघु वनोपज संग्राहक मनके हित म कई अहम् फइसला लिये गे हावयं। एमे शहीद महेन्द्र कर्मा तेंदूपत्ता संग्राहक सामाजिक सुरक्षा योजना भी सामिल हावय। ये योजना राज्य म 5 अगस्त 2020 ले तेंदूपत्ता संग्राहक परिवार ल सामाजिक सुरक्षा दे के उद्देश्य ले संचालित हावय। वन अउ जलवायु परिवर्तन मंत्री मोहम्मद अकबर के मार्गदर्शन म शहीद महेन्द्र कर्मा तेंदूपत्ता सामाजिक सुरक्षा योजना के कुशलतापूर्वक क्रियान्वयन होत हावय। 

जानबा होवय के राज्य म तेंदूपत्ता संग्राहक परिवार ल सामाजिक सुरक्षा दे के उद्देश्य ले ये योजना पाछु 5 अगस्त 2020 ले संचालित हावय। ए योजना ले तेंदूपत्ता संग्रहण म लगे पंजीकृत संग्राहक परिवार के मुखिया, जेकर उमर मृत्यु दिनांक के 18 ले 50 साल तक हो, उंकर सामान्य मृत्यु होए म उंकर डहर ले नामांकित मनखे या उत्तराधिकारी के दू लाख रूपिया के मदद अनुदान रकम दे जात हावय। दुर्घटना ले मृत्यु होए म दू लाख रूपिया के रकम अतिरिक्त रूप ले दे जात हावय। दुर्घटना ले पूरा निःशक्तता के स्थिति म दू लाख रूपिया अउ आंशिक निःशक्तता के स्थिति म एक लाख रूपिया के मदद अनुदान रकम दुर्घटनाग्रस्त पात्र तेंदूपत्ता संग्राहक ल दे जात हावय। 

इही रकम ले तेंदूपत्ता संग्रहण म लगे पंजीकृत संग्राहक परिवार के मुखिया, जेकर उमर मृत्यु दिनांक के 51 ले 59 साल के बीच हो, उंकर सामान्य मृत्यु होए म उंकर डहर ले नामांकित मनखे या उत्तराधिकारी के 30 हजार रूपिया अउ दुर्घटना ले मृत्यु होए म 75 हजार रूपिया के मदद अनुदान रकम दे जात हावय। दुर्घटना म पूरा निःशक्तता के स्थिति म 75 हजार रूपिया अउ आंशिक निःशक्तता के स्थिति म 37 हजार 500 रूपिया के मदद अनुदान रकम दुर्घटनाग्रस्त पात्र तेंदूपत्ता संग्राहक ल दे जात हावय।