Home News Contact About

विज्ञापन खातिर आरो करव-

jayantsahu9@gmail.com
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

कोरोना ले बीते 18 पत्रकार बर 90 लाख, पत्रकार कल्याण कोष ले 53 मीडिया कर्मी अउ उंकर परिजन बर 1.15 करोड़ रूपिया के मदद ल मंजूरी देवत 11 पत्रकार के परिजन ल चेक सउपिस मुख्यमंत्री दाऊ भूपेश बघेल


अंजोर.रायपुर, 03 सितम्बर। छत्तीसगढ़ सरकार मीडिया के संग हर सुख-दुख म संग खड़े हावय। उंकर बुता म चुनौती अउ मुश्किल ल कम करे के खातिर राज्य सरकार सरलग कदम उठात हावय। मीडिया कर्मी मनके मुश्किलें जतका आसान होंगी छत्तीसगढ़ म पत्रकारिता के रसता ओतके आसान होही। राज्य सरकार छत्तीसगढ़ के गौरवशाली पत्रकारिता अउ उंकर उच्च आदर्श के संरक्षण दे के खातिर प्रतिबद्ध हावय। से बात ल प्रदेश मुख्यमंत्री श्री बघेल ह कोविड-19 ले दिवंगत पत्रकार के घर वाला ल अपन निवास कार्यालय म आयोजित कार्यक्रम म पत्रकार कल्याण कोष ले स्वीकृत मदद रकम के चेक बांटत बखत किहिन।

ये मउका म पत्रकार कल्याण कोष ले आज 53 मीडिया कर्मी के आने-आने प्रकरण म स्वीकृत कुल एक करोड़ 15 लाख रूपिया के आर्थिक मदद के रकम जारी करे गिस। जेमा 18 मीडिया कर्मी जेकर मृत्यु कोविड-19 ले होए हावय, उंकर घर वाला ल पांच-पांच लाख रूपिया के मान ले कुल 90 लाख रूपिया के आर्थिक मदद मंजूर करे गिस हावय। मुख्यमंत्री श्री बघेल ह अपन निवास कार्यालय म आयोजित कार्यक्रम म कोविड-19 ले दिवंगत 18 मीडिया कर्मी म ले 11 मीडिया कर्मी के घर वाला ल आर्थिक मदद के चेक बांटिस। आन मीडिया कर्मी के घर वाला तक स्वीकृत मदद रकम के चेक पहुंचाए गिस हावयं। कार्यक्रम म दिवंगत मीडिया कर्मी मनला दू मिनट के मौन रखके श्रद्धांजलि दीस। 

मुख्यमंत्री श्री बघेल ह कार्यक्रम म संवाददाता, नवभारत दुर्ग स्वर्गीय नरेश सिन्हा के धर्मपत्नी श्रीमती लक्ष्मी सिन्हा, संवाददाता, नवभारत भिलाई-दुर्ग स्वर्गीय अविनाश इंगले के धर्मपत्नी श्रीमती योगिता इंगले, संवाददाता, इस्पात टाइम्स रायपुर स्वर्गीय भरत दुदानी के धर्मपत्नी श्रीमती रजनी दुदानी, फोटोग्राफर, सेन्ट्रल क्रॉनिकल रायपुर स्वर्गीय श्रीकांत मेश्राम के धर्मपत्नी श्रीमती शुभांगी मेश्राम, उप-सम्पादक, दैनिक अग्रदूत स्वर्गीय जियाउल हसन के धर्मपत्नी श्रीमती मेहजबीन बानो, सह-सम्पादक, द-हितवाद रायपुर स्वर्गीय राजा दास के धर्मपत्नी श्रीमती झुमा दास, ब्यूरो प्रमुख, दैनिक नवप्रदेश रायपुर स्वर्गीय अश्विन अगाडे के धर्मपत्नी गंगा सागर अगाड़े, सब-एडीटर, हरिभूमि रायपुर स्वर्गीय दीपक कुमार वर्मा के धर्मपत्नी श्रीमती गायत्री देवी, संवाददाता, दैनिक छत्तीसगढ़ रायपुर स्वर्गीय तिलक देवांगन के पुत्र ऋषभ देवांगन, उर्दू दैनिक खबर एक्सप्रेस रायपुर स्वर्गीय आबिद अली के धर्मपत्नी श्रीमती नासेरा आबिद अली अउ संवाददाता, हाईवे चैनल रायपुर स्वर्गीय शाकिर खान के धर्मपत्नी श्रीमती सानिया खान ल चेक दे गिस। ए मउका म प्रेस क्लब रायपुर के अध्यक्ष दामू आम्बेडारे, कोषाध्यक्ष सुश्री शगुफ्ता शिरिन अउ कार्यकारिणी सदस्य मनोज नायक अउ दुर्ग प्रेस क्लब के अध्यक्ष सुश्री भावना पाण्डेय भी उपस्थित रिहिस।

कोई टिप्पणी नहीं:

एक टिप्पणी भेजें

जोहार पहुना, मया राखे रहिबे...

किस्सा कहिनी

सियानी गोठ

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
सिटी कार्यालय - पानी टंकी के सामने, अमलीडीह रायपुर छत्तीसगढ़
वाट्सअप- 9826753304
ई मेल : jayantsahu9@gmail.com
भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285