बेमेतरा के काष्ठ शिल्पकार दिलहरण सिन्हा उकेरिस लकड़ी म राजगीत, मुख्यमंत्री दाऊ भूपेश बघेल बढ़ई करत दीस एक लाख रूपिया के मदद

अंजोर.रायपुर, 29 सितम्बर। मुख्यमंत्री दाऊ भूपेश बघेल निवास कार्यालय म बेमेतरा जिला के दिव्यांग काष्ठ शिल्पकार दिलहरण सिन्हा अउ उंकर धर्मपत्नी श्रीमती कलिन्द्री सिन्हा ह सौजन्य मुलाकात करिसय। ए मउका म ओमन मुख्यमंत्री ल काष्ठ म हाथ ले उकेरे छत्तीसगढ़ के राजगीत के कलाकृति भेंट करिस। एमे राजगीत के रचयिता डॉ. नरेन्द्र देव वर्मा के हस्ताक्षर भी उकेरा गे हावय। मुख्यमंत्री श्री बघेल ह उंकर कला-कौशल के सराहना करत काष्ठ शिल्प के काम ल आगू बढ़ाये खातिर अपन स्वेच्छानुदान मद ले एक लाख रूपिया के स्वीकृत करिस।

कष्ठ शिल्प कलाकार श्री सिन्हा ह मुख्यमंत्री ल बताइन के वो दिव्यांग हावय अउ काष्ठ शिल्प ही उंकर आजीविका के एकमात्र साधन हावय। ओमन बताइन के ओमन भारत के राष्ट्रगीत, राष्ट्रगान अउ संविधान के प्रस्‍तावना भी लकड़ी म उकेरे हावय। श्री सिन्हा ह बताइन के उंकर धर्मपत्नी श्रीमती कलिन्द्री ओला शिल्प निर्माण म मदद करत हावयं। ओमन मुख्यमंत्री के समक्ष शासन के सहयोग ले अपन ए कला के प्रसार के खातिर युवा पीढ़ी अउ आन दिव्यांगजन के प्रशिक्षण दे की भी इच्छा जताइस, जेकर ले ओला भी काष्ठ शिल्प ले जुड़के अपन रोजगार के साधन जुटाये म मदद मिल सके अउ वो आर्थिक रूप ले सशक्त बन सके।