अंजोर.रायपुर, 14 अगस्त। स्वतंत्रता दिवस के मउका म केंद्र सरकार डहर ले विशिष्ट सेवा, सराहनीय सेवा अउ वीरता पदक के खातिर चयनित पुलिस अधिकारी –कर्मचारी मनके नाम के घोसना करे गिस हावय। जेमा प्रदेश के 32 कर्मी के चयन ये पुरस्कार के खातिर करिन गे हावय। सी.आई.डी. म सहायक पुलिस महानिरीक्षक उदयभान सिंह चौहान ल विशिष्ट सेवा के खातिर राष्ट्रपति पुलिस पदक दे करे जाही। प्रदेश के दस अधिकारी मन-कर्मचारी ल सराहनीय सेवा पदक अउ 21 ल वीरता पदक दे जाही। ये सबो पुलिस कर्मी ल गणतंत्र दिवस-2022 के मुख्य समारोह म ये पुरस्कार दे जाही।
सराहनीय सेवा के खातिर एसटीएफ बघेरा, दुर्ग के उप पुलिस अधीक्षक यदुराम तिर्की, गुप्तवार्ता सरगुजा (पुलिस मुख्यालय ले संबद्ध) के उप पुलिस अधीक्षक मनीष परमानंद, छसबल बीजापुर, 15वीं वाहिनी के सहायक सेनानी श्रीराम वर्मा, रायगढ़ के उप निरीक्षक दिलेश्वर प्रसाद साहू, छसबल, भीरागांव-कांकेर, 22वीं वाहिनी के उप निरीक्षक (आर्म्स) अवधेश कुमार चौहान, रायगढ़ के सहायक उप निरीक्षक प्रेम साय भगत, पुलिस थाना छावनी, जिला दुर्ग के प्रधान आरक्षक दृगपाल प्रसाद तिवारी, एसआईबी के प्रधान आरक्षक प्रहलाद सिंह गागड़ा, छसबल, सकरी-बिलासपुर, 2री वाहिनी के प्रधान आरक्षक मदन मोहन पटेल अउ पुलिस थाना गुण्डाधुर, जिला कांकेर के आरक्षक अवकाश राम नरेटी सराहनीय सेवा पदक दे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।