‘तेंदू जूस’ के नवाचार ले आदिवासी मनके बाढ़ही आमदनी

अंजोर.रायपुर, 08 जुलाई 2021। राज्यपाल सुश्री अनुसुईया उइके ले राजभवन म डॉ. आर.के. प्रजापति अउ शोध छात्रा सुश्री चंद्रशिखा पटेल ह मुलाकात करके तेंदूफल के जूस भेंट करिन। राज्यपाल ह किहिन के तेंदूपत्ता ले रोजगार के प्राप्ति होत हावय। अब तेंदूफल के जूस ले भी उंकर आय होए के संभावना बढ़ जाही। ए जूस ल पेटेन्ट कराये के खातिर आवेदन करें। संग ही ट्राईफेड के ए जिनिस के प्रोत्साहन अउ अच्छा बाजार उपलब्ध कराये के खातिर गेलौली करे जाही। येकर ले आदिवासी मनला रोजगार भी मिलही अउ वो सशक्त होही। 

मिले आरो के मुताबिक  सुश्री चंद्रशिखा ह बताइन के तेंदूफल जंगल म रिथे। पेड़ ले गिरे के पाछु आदिवासी मन एला 3 ले 4 रूपिया किलो म बेचथे। अच्छा बाजार नइ मिले के सेती ये सड़ जात हावय। उंकर डहर ले 10 ट्रिटमेन्ट के संग आर.टी.एस अउ 10 ट्रिटमेंट के संग नेक्टर बनाये के खातिर उपयुक्त रेसिपी के निर्माण लगभग 03 महीना के अथक मेहनत ले सफल करे गे हावय। अब ये तकनीक विकसित हो गे हावय। ए तेंदूफल के जूस म विटामिन ए,ई,डी अउ शर्करा हावय। ये पौष्टिक होए के संग-साथ गठिया, जोड़ के दर्द म सहायक होथे।