बाढ़ ले बचाव खातिर होम गार्ड करिस म मॉक ड्रिल

अंजोर.रायपुर, 09 जुलाई 2021। राज्य आपदा मोचन बल (एसडीआरएफ) रायपुर अउ बाढ़ आपदा बचाव दल बलौदाबाजार डहर ले जिला प्रशासन के सहयोग ले आज पलारी के बालसमुंद तरिया म बाढ़ बचाव के द्वितीय मॉकड्रिल के आयोजन करिन। ए बखत बाढ़ बचाव दल के जवान मन ह मोटर बोट चालन, आपदा के समय पीड़ित मन ल पानी के भीतर खोजे अउ ओला सुरक्षापूर्वक लाइफ बोर्ड तक लाने, सही तरीका ले लाइफ जैकेट, लाइफ बॉय के प्रयोग करे, डूबत मनखे के बचाव दल डहर ले मोटर बोट, पीपा, ट्यूब, पानी बोतल ले बने improvise उपकरण ले बचाव के भी प्रदर्शन करिन। 

येकर अलावा अंडरवाटर कैमरा अउ स्कूबा डाइवर डहर ले पानी के भीतर मनखे मन के पता लगाना, सबो जवान मन के चप्पू, मोटरबोट चलाने, तैराकी के भी अभ्यास कराइन। येकर संग ही बचाव दल डहर ले बचाव के बखत उपयोग होवइया आने-आने रकम के उपकरण जइसे मोटरबोट, आने-आने रकम ले के कटर, लाइट, सर्च लाइट, अंडरवाटर कैमरा, स्कूबा डीप डाइविंग सूट, लाइफ बॉय, लाइफ जैकेट के प्रदर्शन करिन। 

डेमो के पहिली संभागीय सेनानी रायपुर अउ एसडीआरएफ प्रभारी श्रीमती अनिमा कुजूर अउ जिला सेनानी नागेन्द्र सिंह डहर ले जवान मन के ब्रीफ करे गिस अउ बाढ़ आपदा के संबंध म जरूरी टिप्स भी दे गिस। संभागीय सेनानी श्रीमती अनिमा कुजूर डहर ले मॉकड्रिल बाद महानदी कछार म बसे बाढ़ प्रभावित संभावित गांव के दौरा भी करिन अउ जिला सेनानी के जरूरी दिशा निर्देश दिस। जिला सेनानी नागेन्द्र सिंह ह बताइन के 21 सदस्यीय बाढ़ बचाव दल चौबीस घण्टा तइयार हावय। कण्ट्रोल रूप ले सूचना मिलते ही तुरते मउका के खातिर रवाना हो जाथे। पाछु तीन-चार साल म महानदी, शिवनाथ, खोरसीनाला, जमुनिया नाला उक नदी-नालों म बाढ़ म फंसे लगभग 700 लोगन के सुरक्षित रेस्क्यू करे गे हावय।