अंजोर.धमतरी, 22 जुलाई। छत्तीसगढ़ शासन राजस्व अउ आपदा प्रबंधन विभाग डहर ले शत-प्रतिशत अउ त्रुटिरहित गिरदावरी के बुता पूरा करे के निर्देश दे गे हावयं। ये आदेश के परिपालन म कलेक्टर ह जिला के राजस्व अधिकारी मन ल निर्देशित करिन हावय के चालू खरीफ सीजन म राजस्व अभिलेख के शुद्धता, समर्थन कीमत म धान उपार्जन, राजस्व पुस्तक परिपत्र 6-4 के तहत आर्थिक अनुदान, प्रधानमंत्री फसल बीमा योजना सहित कृषि आदान मदद बर राजीव गांधी किसान न्याय योजना, मुख्यमंत्री वृक्षारोपण योजना जइसे जरूरी योजना मन म गिरदावरी के आधार म ही भूमिस्वामी किसान मनला लाभान्वित करे जाना हावय। संग ही राजीव गांधी किसान न्याय योजना अउ मुख्यमंत्री वृक्षारोपण प्रोत्साहन योजना के धियान म रख गिरदावरी बुता म पर्याप्त सावधानी अउ पारदर्शिता बरते के निर्देश कलेक्टर ह दे हावयं। येकर खातिर तहसील स्तर म गिरदावरी के संबंध म राजस्व, पंचायत अउ कृषि अउ उद्यान विभाग के अधिकारी-कर्मचारी मनके प्रशिक्षण कार्यक्रम आयोजित करे जात हावयं।
राज्य शासन डहर ले जारी परिपत्र म किहिन के गिरदावरी बुता बर ग्रामवार, गांव पंचायतवार कार्यक्रम करार करे जाए। गिरदावरी बुता करे के सूचना गांव वाला अउ गांव पंचायत के पर्याप्त समय पहिली दे जाए अउ गिरदावरी बुता हल्का पटवारी, ग्रामीण कृषि विस्तार अधिकारी, ग्रामीण उद्यान विस्तार अधिकारी अउ पंचायत सचिव डहर ले संयुक्त रूप ले जांच करे जाए। पटवारी डहर ले खेत म बोये गे फसल के विवरण खसरा पांचसाला अउ भुईयां सॉफटवेयर म दर्ज करे जाही। संग ही सबोच गांव म किसान मन के डहर ले बोये गे फसल के क्षेत्राच्छादन के फसलवार अउ किसानवार जानकारी तइयार करके संबंधित गांव अउ पंचायत म प्रकाशन करके दावा-आपत्ति मंगाई जाए।
दावा आपत्ति के निराकरण समयावधि म करे जाही अउ तदनुसार खसरा अउ भुईयां सॉफ्टवेयर म प्रविष्ट फसल क्षेत्राच्छादन के प्रविष्टि ल दुरूस्त करके करार प्रारूप म फसल क्षे़त्राच्छादन के आखरी प्रकाशन गांव अउ पंचायत म खरीफ मौसम के खातिर 25 अक्टूबर अउ रबी मौसम के खातिर 28 फरवरी तक कराये जाही। हल्का पटवारी डहर ले अपन हल्का के गांव के भ्रमण करत समय राजस्व अभिलेख म प्रविष्ट भू-स्वामी अउ आन विवरण के जांच करके अभिलेख म अंकित/प्रविष्ट त्रुटि ल दुरूस्त करे जाही। यदि कोनो खसरा नंबर म प्रविष्टि नइ होए हावय, त ओकर संकलन अउ अनावश्यक रूप ले प्रविष्ट खसर ल विलोपन करे के कार्रवाई भी करे जाही। खसर के संकलन/विलोपन अउ भू-स्वामित्व/अन्य विवरण म होवइया परिवर्तन, जेला राजस्व अभिलेख म दुरूस्ती नइ करे गिस हावय, के संबंध म नियमानुसार कार्रवाई करत खरीफ मौसम के स्थिति म 31 अक्टूबर तक अउ रबी मौसम के स्थिति म 28 फरवरी तक दुरूस्ती करे कार्रवाई पूरा करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।