बिसाहू दास महंत के पुण्यतिथि म उनला नमन करिस दाऊ भूपेश बघेल

अंजोर.रायपुर, 22 जुलाई। मुख्यमंत्री दाऊ भूपेश बघेल ह स्वतंत्रता संग्राम सेनानी अउ जनप्रिय राजनेता स्वर्गीय बिसाहू दास महंत के 23 जुलाई के पुण्यतिथि म ओला नमन करिन। मुख्यमंत्री ह बिसाहू दास महन्त ल श्रद्धांजलि अर्पित करत किहिन के उंकर पूरा जीवन जनसेवा ले जुड़े रिहिस। श्री महंत ह अविभाजित मध्यप्रदेश म विधायक अउ मंत्री के रूप म प्रदेश के विकास के खातिर अपन अमूल्य सेवा दीस। ओमन लोगन के बेहतरी के खातिर क्षेत्र म खेती-किसानी, सिंचाई अउ सड़क के बुता ल बखूबी अंजाम दीस। मुख्यमंत्री श्री बघेल ह किहिन के स्वर्गीय श्री महंत के आदर्श के मुताबिक नवा छत्तीसगढ़ के निर्माण के खातिर राज्य सरकार संकल्पबद्ध हवय। उंकर बताये जनकल्याण के मार्ग म चलके प्रदेश म विकास के नवा आयाम दे के दिशा म बुता करे जात हावय।