अंजोर.बिलासुपर, 28 जुलाई। राज्य के कानन पेण्डारी जूलॉजिकल गार्डन बिलासपुर म 29 जुलाई के अंतर्राष्ट्रीय बाघ दिन के आयोजन करे जाही। वन मंडल अधिकारी बिलासपुर कुमार निशांत ह बताइन के प्रधान मुख्य वन संरक्षक (वन्यप्राणी) पी.व्ही. नरसिंग राव अउ मुख्य वन संरक्षक (वन्यप्राणी) बिलासपुर एस. जगदीशन के मार्गदर्शन म ए मउका म कानन पेण्डारी जू म प्रश्नोत्तरी के कार्यक्रम भी रखे गे हावय। इहां भ्रमण म पहुंचे पर्यटक कार्यक्रम म शामिल हो सकत हावयं।
कार्यक्रम के बखत राष्ट्रीय पशु बाघ ले संबंधित रोचक सवाल के सही जवाब दे म प्रतिभागी ल वन मंडल तनि ले सांत्वना पुरस्कार भी दे जाही। जानबा होवय के कानन पेण्डारी जू बिलासपुर म 66 प्रजाति के कुल 625 जंगली जानवर मन ल रखे गे हावय, जेमा 33 स्तनधारी प्रजाति के 386 वन्यप्राणी, 12 सरीसृप प्रजाति के 76 जंगली जानवर अउ 20 पक्षी प्रजाति के 163 पक्षि शामिल हावयं। पर्यटक जू म करार शुल्क जमा करके भ्रमण कर सकत हावयं। जू म लइका के मनोरंजन बर आने-आने रकम के मनोरंजन जगह अउ झूला उक के निर्माण करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।