छत्तीसगढ़ राज्य भंडारगृह निगम के अध्यक्ष अरुण वोरा करिस महासमुंद गोदाम के निरीक्षण

अंजोर.रायपुर, 20। छत्तीसगढ़ राज्य भंडारगृह निगम के अध्यक्ष अउ विधायक अरुण वोरा ह महासमुंद म राज्य भंडारगृह निगम के गोदाम के निरीक्षण करिन। ओमन सार्वजनिक वितरण प्रणाली (पीडीएस) अउ फोर्टिफाइड चाउर के गुणवत्ता जॉच करिस। विधायक वोरा ह भंडारगृह के साफ-सफाई अउ फ्यूमिगेशन के जायजा लिस। शाखा प्रबंधक आर.एस. नयन ह बताइन के महासमुंद ब्रांच के यूटिलाइजेशन 100 फीसदी होए के सेती भंडारगृह के स्वनिर्मित क्षमता 49,960 मेट्रिक टन (एमटी) के हावय। येकर अलावा 1875 मेट्रिक टन के गोदाम भी किराए ले लिस हावय। जेला मिलाके भंडारण के क्षमता बढ़के 51 हजार 835 मेट्रिक टन के हो गे हावय जेमा ले 20 हजार मेट्रिक टन पीडीएस अउ बाकी के क्षमता के उपयोग केंद्रीय पूल के खातिर करे जात हावय।

निगम के अध्यक्ष अरूण वोरा ले भंडारगृह निगम के कर्मचारी मन ह पॉवर स्प्रेयर अउ संस्था के संचालन के खातिर इम्प्रेस्ट रकम बढ़ाये जाये के अरजी करिन। कर्मचारी मन के अरजी म अध्यक्ष श्री वोरा ह उंकर जायज मांग मन म सहानुभूति पूर्वक विचार करे जाये के भरोसा दीस। महासमुंद पहुंचे म संगठन पदाधिकारी मन डहर ले भी विधायक वोरा के कई ठऊर मन म स्वागत करिन गे। प्रवास के बखत श्री वोरा ह विधायक अउ संसदीय सचिव विनोद सेवनलाल चंद्राकर, पूर्व विधायक अउ छत्तीसगढ़ बीज विकास निगम के नवनियुक्त अध्यक्ष अग्नि चंद्राकर अउ संगठन पदाधिकारी डॉ रश्मि चंद्राकर, प्रकाश राव साकरकर उक ले मिलिस। स्थानीय जनप्रतिनिधी मन, संगठन पदाधिकारी मन ले गोठबात करत श्री वोरा ह किहिन के मुख्यमंत्री भूपेश बघेल, गांव वाला के संग संग शहरी क्षेत्र के खातिर भी अभूतपूर्व विकास बुता अउ नवाचारी योजना चलाये हावय। हम सबो के दायित्व हावय के ये योजना मन के लाभ पात्र हितग्राही मन तक पहुंचाये। येकर खातिर हमन ल मेहनत करे की जरूरत हावय।