‘सौर सुजला योजना’ ले सुधरत हावय किसान के जिनगी, अब तक जिला म 3680 सोलर पंप लगगे

अंजोर.सूरजपुर, 04 जुलाई 2021। सौर सुजला योजना के तहत राज्य सरकार छत्तीसगढ़ म किसान मन ल सौर उर्जा ले चलइया सिंचाई पंप दे जात हावय, जेकर ले वो अपन भूमि म कृषि अउ सिंचाई कर सकत हावयं। छत्तीसगढ़ म अइसे कई गांव हावय जिहां सरकार डहर ले आज भी बिजली नइ पहुंचाये जा सके हावय इही सेती सौर सुजला योजना वो किसान मनके खातिर एक बरदान कस हावय जेला सिंचाई के खातिर बिजली के जरूरत पड़य।  

कलेक्टर डा. गौरव कुमार सिंह ह जादा ले जादा किसान ले जेन दूरस्थ ठऊर म रहत हावय जिहां बिजली के बेवस्था नइये अउ सिंचाई म परेशानी होथे ओला ए योजना के लाभ ले अपील करे हावय। सौर सुजला योजना के मुख्य उद्देश्य रियायती दर म ओला सौर सिंचाई पंप देत सशक्त बनाना हावय। ए योजना ले न केवल किसान अपन भूमि म खेती करे के खातिर जादा सक्षम होत हावयं, बल्कि ए योजना के तहत ग्रामीण क्षेत्र म कृषि अउ ग्रामीण विकास के मजबूत बनाये म भी मदद मिलत हावय। सौर सुजला योजना 2016-17 म सुरू होए रिहिस। ए योजना तहत सरकार क्रमशः 3 एचपी अउ 5 एचपी क्षमता वाला सौर उर्जा संचालित सिंचाई पंप किसान मन ल वितरीत करत हावय।

क्रेडा के विभाग के सहायक अभियंता सुजीत श्रीवास्तव ह बताइन के सूरजपुर जिला म सौर सुजला योजना ले 2016-17 ले 2019-20 तक 3680 पंप स्थापित करे गे हावयं जेमा 70 गउठान म लगे हावयं। ओमन बताइन के 2020-21 म 1000 के लक्ष्य हावय जेमा ले 650 पंप के स्थापना हो गे हावय अउ 350 प्रगतिरत हावय। ये योजना उन सबो किसान मन के खातिर हावय जेन जलस्त्रोत होए म भी खेत म सिंचाई के खातिर कोनो रकम ले के बेवस्था नइ करके पात हावयं, उंकर खातिर ये योजना कारगर सिद्ध होत हावयं। ए योजना ले गरीब किसान पानी के उपलब्धता आसानी ले पाके अपन फसल के सिंचाई करके जादा पैदावर ले अपन आर्थिक स्थिति ल सुधार करके एक बढि़या जीवन तनि बढ़त हावयं। 

साल 2020-21 बर हितग्राही अंश 3 एचपी अ.जा., जन.जाति बर 10 हजार, पिछड़ा वर्ग बर 15 हजार अउ सामान्य वर्ग के खातिर 20 हजार रूपिया देय हावय। 5 एचपी अ.जा., जन.जाति बर 15 हजार, पिछड़ वर्ग बर 21 हजार अउ सामान्य वर्ग के खातिर 25 हजार रूपिया देय हावय। येकर अलावा हितग्राही मन ले कोनो रकम ले के ऊपराहा रकम देना नइ होही।