अंजोर.कांकेर, 05 जुलाई 2021। सहकारी समिति मन म जेन रेट म रासायनिक खातु जइसे-यूरिया, डीएपी, पोटाश, सुपर फास्फेट, एनपीके उक बेचे जात हावय, उही रेट म निजी दुकानदार मन ल तको रासायनिक खातु के बेचना होही। रासायनिक खातु बेचने वाला निजी दुकानदार ल अपन दुकान म उपलब्ध रासायनिक खातु अउ ओकर कीमत सूची रोज प्रदर्शित करना होही अउ भुगतान पीओएस मशीन के माध्यम ले ही पाना होही। निजी दुकानदार डहर ले जादा रेट म रासायनिक खातु ल बेचे के शिकायत मिले म जिला प्रशासन डहर ले कड़ा कार्यवाही करे जाही। कलेक्टर श्री चन्दन कुमार ह ए संबंध म कृषि विभाग के उप संचालक ल जरूरी निर्देश दिये हावयं। जादा रेट म खातु बेचे के शिकायत उप संचालक कृषि कार्यालय के फोन नंबर 07868-241661 म करे जा सकत हावय।
जिला विपणन अधिकारी ले मिले जानकारी मुताबिक जिला ल मिले रासायनिक खातु के कुल लक्ष्य के 60 प्रतिशत सहकारी समिति मन के माध्यम ले अउ 40 प्रतिशत निजी दुकानदार के माध्यम ले बेचे के करार करे जात हावय अउ येकर खातिर कृषि विभाग डहर ले जिलावार लक्ष्य आबंटित करे जात हावयं। कांकेर जिला के ए साल 49 हजार 150 मेट्रिक टन रासायनिक खातु के लक्ष्य मिले हावय। सहकारी समिति मन के खातिर 28 हजार 500 मेट्रिक टन अउ निजी दुकानदार के खातिर 20 हजार 650 मेट्रिक टन उवर्रक के लक्ष्य दे गे हावय, जेमा यूरिया 20 हजार 300 मेट्रिक टन, डीएपी 14 हजार 250 मेट्रिक टन, पोटाश 05 हजार 100 मेट्रिक टन, सुपर फास्फेट 07 हजार मेट्रिक टन अउ एनपीके 02 हजार 500 मेट्रिक टन लक्ष्य दे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।