अंजोर.रायपुर, 14 जून 2021। सरपंच पति के अश्लील वीडियो वायरल करे के धमकी दे करके रूपिया के माँग करे के सम्बंध म थाना ख़रोरा म अपराध क्रमांक 223/21 धारा 294, 506, 384, 34 भादवि के आरोपी मन के तहत अपराध पंजिबद्द करे गे हाबे। मिले आरो के मुताबिक मामला म दू आरोपी नीतीश गोंड़ अउ सचिन गौतम के पहिली गिरफ़्तार करे जा चुके हावय, इही मामला म दू आन आरोपी मन ल गिरफ़्तार करे म सफलता मिले हावय।
मामला के आरोपी छत्रपाल यादव पिता गणेश राम यादव उमर 24 साल निवासी गांव दोंदेखुर्द थाना विधानसभा अउ सोनू वर्मा उर्फ़ लक्ष्मीनारायण वर्मा पिता गजाधर प्रसाद वर्मा उमर 24 साल निवासी गांव पाडाभाठ थाना ख़रोरा के गिरफ़्तार करे गे हावय। आरोपी मन के पास ले प्रार्थी ल धमकाये म प्रयुक्त करे सीम अउ मोबाइल फोन बरामद करके जप्त करे गे हावय। दुनों आरोपी मन ल आज न्यायिक हिरासत म जेल भेजा गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।