राजीव गांधी किसान न्याय योजना किसान हित म दूरगामी सोच : सभापति प्रमोद दुबे

अंजोर.रायपुर, 13 जून 2021। प्रदेश के सबो रिले केन्द्र ले प्रसारित मुख्यमंत्री भूपेश बघेल के लोकवाणी कार्यक्रम के आज नगर निगम गार्डन म नागरिक अउ जनप्रतिनिधी मन ह उत्साह के संग सुने गिस। मुख्यमंत्री श्री बघेल ह लोकवाणी के माध्यम ले राजीव गांधी किसान न्याय योजना, मुख्यमंत्री वृक्षारोपण प्रोत्साहन योजना अउ फसल चक्र ले किसान मन के होए वाला लाभ के बारे म विस्तार ले बताइन। रेडियो वार्ता लोकवाणी सुनके नगर निगम रायपुर के सभापति प्रमोद दुबे ह किहिन के राजीव गांधी किसान न्याय योजना म किसान हित म दूरगामी सोच के परिचायक हावय। मुख्यमंत्री भूपेश बघेल सरकार बनते ही सबले पहिली किसान मन के कर्ज माफ करिन, किसान मन के खातिर करे गे वादे पूरा करिन अउ राजीव गांधी किसान न्याय योजना लान के किसान मन के आर्थिक सुदृढ़ीकरण करे के काम करिन हावय। कोरोना काल म भी बिना देर करे समर्थन कीमत म खरीदे गिस धान के बड़े अंतर के रकम के पहिली किस्त दे करके किसान मन के हित के ख्याल रखे हावय।

रेड़ियो वार्ता लोकवाणी सुनके नवनियुक्त एल्डरमेन नम्मू रज़ा ह किहिन के मुख्यमंत्री भूपेश बघेल किसान मन के हित म राजीव गांधी किसान न्याय योजना लान के किसान मन के आय बढ़ाये के काम करिन हावय। येकर ले प्रदेश के किसान खुशहाल हावयं। येकर खातिर मैं मुख्यमंत्री भूपेश बघेल के धन्यवाद देत हावं। ’लोकवाणी’ सुनके गांधी नगर, कालीबाड़ी निवासी सुश्री कल्पना सागर ह किहिन के मुख्यमंत्री वृक्षारोपण प्रोत्साहन योजना के माध्यम ले राज्य सरकार ह छत्तीसगढ़ के हरियर बनाये अउ पर्यावरण संतुलन बनाए रखे के खातिर एक बड़ा कदम उठाये हावय। फसल चक्र के खातिर प्रोत्साहन रकम दे करके किसान मन के जादा आयमूलक फसल मन के खातिर प्रेरित करे के बुता सराहनीय हावय। रेड़ियो वार्ता लोकवाणी कार्यक्रम के नगर निगम गार्डन म सुश्री निक्की खान सहित आन लोगन ह भी उत्साह के संग सूनिस।