मिले आरो के मुताबिक 07/06/2021 के थाना चक्रधरनगर अर्न्तगत गांव जुर्डा ले जगदेव नाम के मनखे सीएसपी रायगढ़ ल लगभग दू साल के लइका गांव के पानी टंकी के पास अकेल्लाे मिले के सूचना दिस। सीएसपी डहर ले चक्रधर नगर स्टाफ ल जुर्डा जाके लइका के माता-पिता के पतासाजी करके ओला सुपुर्द करे खातिर निर्देशित करिन। पुलिस स्टाफ गांव जुर्डा, पहाड मंदिर, कौंहाकुंडा, पंडरीपानी उंकर माता-पिता के पतासाजी करिस। पता नइ चले म सबो गांव म पुलिस डहर ले बनाये गे गांव रक्षा समीति के सदस्य मन ल लइका के फोटो उंकर सबो व्हाटसअप ग्रुप म डाले अउ कोनो जानकारी मिले म चक्रधरनगर ल सूचित करे बताके थाना लौटगे। थाना म लइका ल चाय नाश्ता कराये के बाद ओकर डॉक्टरी परीक्षण, कोविड टेस्ट कराकर मातृ निलियम रायगढ म सुरक्षार्थ रखवाया गिस। उहें एडिशनल एसपी डहर ले सबो थाना के व्हाट्सएप ग्रुप अउ सीमावर्ती जिला म भी लइका के फोटोग्राफ्स भेजे बर पुलिस कन्ट्रोल रूम ल निर्देशित करिन। सबो थाना ले प्रिंट अउ इलेक्ट्रानिक मीडिया ल भी उंकर ग्रुप्स म लइका के फोटो वायरल करे ल किहिन।
अऊ आज बिहनिया लइका के मां खुशबू सोनवानी एक व्हाटसअप ग्रुप म लइका के फोटो देखते सोज थाना चक्रधरनगर पहुंचगे। चक्रधरनगर पुलिस डहर ले बाल कल्याण समिति रायगढ़ के समक्ष उंकर माता-पिता अउ पहचानकर्ता वार्ड पार्षद मुरारी भट्ठ के उपस्थित कराये गिस, जिहां बाल कल्याण अधिकारी डहर ले लइका ल उंकर मां के सुपुर्द करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।