अंजोर.रायपुर, 29 जून 2021। छततीसगढ़ प्रदेश कांग्रेस कमेटी के अध्यक्ष के रूप दू बछर पूरा करत मोहन मरकाम जी ह अपन कार्यकर्ता मनला खातिर मयारूक पाती लिखे हावय। जेमा ओमन किथे के काली संझा ले ही तुँहर डहर ले फोन, ई-मेल, सोशल मीडिया सहित सबो माध्यमों ले छत्तीसगढ़ प्रदेश कांग्रेस कमेटी के अध्यक्ष के रूप म मोर दू साल के कार्यकाल पूरा होए म तुँहर दे शुभकामना ले अभिभूत हावं। ये यात्रा मोर अकेले के नइ हावय, ये यात्रा छत्तीसगढ़ प्रदेश के उन हजारों कार्यकर्ता मनके हावय जेन मन मोला कभू थके के अहसास नी होए दीस।
आज 29 जून के जब मैं छत्तीसगढ़ प्रदेश कांग्रेस कमेटी के अध्यक्ष के रूप म अपन कार्यकाल के 2 साल पूरा करत हावं त ए यात्रा म तुँहर अपनापन, तुँहर मेहनत, तुँहर संघर्ष, तुँहर समर्पण, तुँहर विश्वसनीयता अउ तुँहर संग सब कुछ ए यात्रा के स्थायी चिन्ह हावयं।
छत्तीसगढ़ म स्व. रामानुज लाल यादव, स्व. मोतीलाल वोरा, डॉ चरण दास महंत, श्री धनेंद्र साहू, स्व. नंद कुमार पटेल, श्री भूपेश बघेल जी जइसे दिग्गज मनके बाद माननीय सोनिया गांधी जी अउ माननीय राहुल गांधी जी ह ए जब मोला ए विरासत के संभालने ल अधिकृत करिन तब मोला ए यात्रा के दायित्व के संग-साथ चुनौती के भी आभास रिहिस।
आज मैं ये चिट्ठी लिखत भावुक भी हावं काबर के मोर खातिर कोंडागाँव ले रायपुर जाना घर ले बाहिर जाये जइसे होइस, फेर आज मैं पूरा प्रदेश म जिहां भी रहय, मोला हर गांव, हर क़स्बा, हर शहर अपन घर लगत हावय। घर ले बाहिर जाये जइसे कोनो परिस्थिति अब मोर जीवन के हिस्सा ही नइ हावय। आज मैं कह सकत हावं के मोला कोंडागाँव ले रायपुर के यात्रा म पड़ने वाला केशकाल घाटी के हर मोड़ के क्रमांक जतका याद हावय उतना ही मोला अपन ब्लॉक अउ ज़िला के कार्यकर्ता भी याद हावय। काबर के सबो मोला अपन परिवार के हिस्सा बना लिस हावय।
अइसे समय म जब राज्य म आप सत्ता पक्ष हों त संगठन के मुखिया के दायित्व निभाना अउ जादा जरूरी हो जात हावय। सरकार ले कार्यकर्ता के अपेक्षा अउ सरकार के काम ल जनता तक पहुंचाये के जरूरी जवाबदेही म सामंजस्य बइठाना सचमुच चुनौती रिहिस। फेर ये आप सबके राजनीतिक परिपक्वता अउ पार्टी के प्रति समर्पण ही हावय जेन मोला ए बुता म बहुत जादा परसानी के अनुभव नी होन दीस। माननीय मुख्यमंत्री अउ तत्कालीन प्रदेश अध्यक्ष श्री भूपेश बघेल जी ह नवा छत्तीसगढ़ के संकल्प लेके कांग्रेस विजय के जेन आधारशिला प्रदेश म रखे रिहिस, ओला उत्तरोत्तर मज़बूती देना मोर खातिर चुनौती भी रिहिस अउ दायित्व भी। मोला कहत गर्व हावय के आप सबो कार्यकर्ता मनके मेहनत, संग अउ आत्मबल ले सबले पहिली दंतेवाड़ा विधानसभा उपचुनाव, फेर चित्रकोट विधानसभा उपचुनाव, नगरीय निकाय चुनाव, पंचायत चुनाव, राज्यसभा चुनाव अउ फेर ऐतिहासिक मरवाही उपचुनाव ल हमन अब तक के सबले बड़े अंतर ले प्रचंड जीत दर्ज करेन।
मोर कार्यकाल म होए तीनों उपचुनाव, सबो 10 नगर निगम म कांग्रेस महापौर, 20 ज़िला पंचायत अध्यक्ष अउ दुनों राज्यसभा सीट म निर्विरोध कांग्रेस प्रत्याशी के जीत ह अब तक के यात्रा के तुँहर सबके सहयोग ले सफल बने हावय।
संगी हो जब ए यात्रा के सफलता के मैं जिक्र करत हावं त येकर चुनौती के भी बात नइ करना बेमानी होही। साल 2020 के शुरुआत ले ही जब कोरोना संकट ह देश ल जकड़े, देश के रफ़्तार थमे के संग संग संगठन के क्रिया-कला के रफ़्तार भी कुछ थमे रिहिस। फेर देश म प्रधानमंत्री डहर ले अनियोजित लॉकडाउन के चलते जब देश के गरीब-मज़दूर वर्ग म जीवन यापन के संकट आइस तब माननीय सोनिया गांधी जी, माननीय राहुल गांधी जी की एक आवाज़ म हमर संगठन ह अपन अउ अपन परिवार के जान के परवाह करे बिना सड़क म निकलके जनसेवा के वो कहानी गढ़ेन जेन हमेशा हमेशा के खातिर इतिहास म दर्ज होगे हावयं। चाहे घर-घर सूखा राशन पहुँचाना हो, चाहे भोजन के प्रबंध करे हो या फेर आर्थिक मदद पहुँचाना हो, आप सब अपन हाथ के थमेव। कांग्रेस अध्यक्षा श्रीमती सोनिया गांधी जी के आदेश म हम सब मज़दूर मनल घर भेजे के बेवस्था करेन, प्रदेश कांग्रेस कमेटी ह उंकर यात्रा खर्च उठाये के ज़िम्मा लिस।
कोविड प्रबंधन बर जब माननीय मुख्यमंत्री भूपेश बघेल जी ह मुख्यमंत्री मदद कोष म मदद बर अरजी करिन, तब मोर एक निवेदन म आप सबो ह दिल खोलके अपन सामर्थ्य मुताबिक मुख्यमंत्री मदद कोष म जेन दान दिस वो ह जीवन दान रिहिस, उंकर खातिर मैं आप सबो के आभारी हावं।
मोला वो दिन भी याद हावय जब कोरोना के दूसरी लहर के प्रकोप ह छत्तीसगढ़ सहित पूरा देश के इतना तेज़ी ले जकड़ा के हमर स्वास्थ्य सुविधा के क्षमता जवाब दे लगी, तब मोर एक प्रस्ताव म सबो जिलाध्यक्ष ह एक स्वर म किहिन के हम ज़िला कांग्रेस कमेटी के कार्यालय के कोविड सेंटर बनाये के खातिर तइयार हावयं। आप सबके ए समर्पण अउ त्याग म कांग्रेस के वही बलिदान ले परिपूर्ण विचारधारा परिलक्षित होत हावय।
येकरे संग ही प्रदेश कांग्रेस सरकार के जरूरी योजना नरवा, गरवा, घुरवा, बाड़ी के खातिर गउठान स्तर म निगरानी बर संगठन के समिति बनाना हो या फेर गोधन न्याय योजना, धान खरीदी जइसे योजना मन के निगरानी, क्रियान्वयन अउ उंकर प्रचार-प्रसार के बुता हो, आप सबो ह सबो मोर्चा म महती भूमिका निभाये हावय।
देश के मुख्य विपक्षी दल होए के नाते अखिल भारतीय कांग्रेस कमेटी डहर ले जब-जब आव्हान होइस, हमन राष्ट्रीय विपक्ष के भूमिका निभात सड़क ले लेके राजभवन तक के लड़ाई लड़े हावन। धरना, प्रदर्शन, राजभवन घेराव ले लेके महामहिम के ज्ञापन सौंपे तक, हम हमेशा अग्रणी भूमिका म रिहिन हावन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।