अंजोर.गरियाबंद, 10 जून 2021। गरियाबंद पुलिस कप्तान भोजराम पटेल के डहर ले जिला के नक्सल प्रभावित थाना प्रभारी के कम्युनिटिं पुलिसिंग के तहत लोगन ले जुड़ के उंकर समस्या सुनके समाधान करे अउ लोगन ल सरकार के विकास अउ नवा योजना मनके बारे म जानकारी दे बर निर्देशित करे गे रिहिस। इही क्रम म थाना प्रभारी सत्येंद्र श्याम डहर ले थाना स्टाप के सहयोग ले पुलिस कैप दर्रीपारा के गांव बोईरगांव म कम्युनिटि पुलिसिंग के तहत सिविक कार्यक्रम के आयोजन करे गे हावय।
समुदायिक पुलिसिंग कार्यक्रम के बखत गांव दर्रीपारा के गांव वाला ल साड़ी, साल, गमछा, छाता अउ स्कूली लइका ल कॉपी पेन बांटे के संग कार्यक्रम के बखत स्वलपाहार के बेवस्था भी रखे गे रिहिस। कार्यक्रम के बखत आमजन के समस्या सुने गिस। पुलिस ले संबंधित समस्या के तुरते समाधान करिन अउ आन विभाग ले संबंधित समस्या के लघियात समाधान बर अश्वासन दे गिस। कार्यक्रम के बखत थाना प्रभारी मैनपुर सत्येंद्र श्याम डहर ले स्थानीय लोगन ल किहिन के अपन बीच के कुछ लोगन कोनो कारणवश समाज ले अलग हो जात हावय, सरकार के नियम के पालन नइ करइया लोगन ल मुख्यधारा म जुड़े अउ अपन छोटे लइका ल पढाये अउ अधिकारी बनाये बर लोगन ल प्रोत्साहित करिन। ये मउका म दर्रीपारा के सरपंच श्रीमती सुनिता नेताम, उप सरपंच श्रीमती योगेशवरी बघेल अऊ शंकर लाल धुव, कमलेश बघेल सचिव सालिक राम धुव के संग गांव के अउ आन लोगन मन जुरियाए रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।