अंजोर.धमतरी, 05 जून 2021। कोरोना के संक्रमण ले मृत्यु के बाद छत्तीसगढ़ सरकार ह अनुकम्पा नियुक्ति के प्रावधान म शिथिलीकरण लाये हावय, जेकर चलत शासकीय सेवा म कार्यरत कर्मचारी मन के परिजन ल तुरते अनुकम्पा नियुक्ति दे जात हावय। धमतरी शहर के विंध्यवासिनी वार्ड के यादव परिवार म भी कोरोना ह अइसे कहर बरपाइस के परिवार के एकमात्र कमाऊ सदस्य के मउत हो गे। अइसे म परिवार के आगू सउपिस जीवन निर्वाह के समस्या आन खड़े होइस। अनुकम्पा नियुक्ति के प्रावधान म शिथिलीकरण के चलत श्रीमती यादव के बेटी कु. समीक्षा के तुरते पदस्थापना संभव होइस। आवेदन करे के हफ्ते भर के भीतर ही ओला सहायक ग्रेड-03 के पद म नियुक्ति मिलगे, जेकर ले एक परिवार बेसहारा होए ले बचगे।
कु. समीक्षा के पिता नेतूराम यादव ह बताइन के उंकर पत्नी श्रीमती धनेश्वरी स्कूल शिक्षा विभाग के अधीन शासकीय उच्चतर माध्यमिक विद्यालय खरेंगा (विकासखण्ड धमतरी) म सहायक ग्रेड-03 के पद म कार्यरत रिहिस। जेकर कोरोना ले 02 मई के मृत्यु हो गे। प्रदेश सरकार के ए फइसला ह केऊ परिवार ल बेसहारा होए ले बचा लिस। इही वो परिवार के प्रति सच्ची श्रद्धांजलि अउ वास्तविक संवेदना हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।