अंजोर.जांजगीर-चांपा, 6 जून 2021। कोविड 19, प्रोटोकॉल के उल्लंघन करत सार्वजनिक ठऊर म मास्क धारण नइ लगइया 2,274 लोगन ले 3 लाख 13 हजार रूपिया के जुर्माना के वसूली के कार्रवाई करे गिस। नगरपालिका चांपा क्षेत्र म एसडीएम के मार्गदर्शन म राजस्व, पुलिस अउ नगर पालिका चांपा के संयुक्त टीम डहर ले कोविड-19, प्रोटोकॉल के कड़ाई ले पालन करे जात हावय।
ये क्रम म चांपा नगरपालिका क्षेत्र म 5 जून तक सार्वजनिक जगह म मास्क नइ पहने म ये रकम के वसूली करे गिस। इही रकम ले संयुक्त टीम डहर ले कलेक्टर के आदेश के मुताबिक अउ एसडीएम चांपा के मार्गदर्शन म चांपा तहसील के गांव कुरदा म विनय जनरल स्टोर, कन्हैया सेलून, अउ मोहन बेकरी के 6:30 बजे खुले पाए जाये म तीनों दुकान ल मउका म सील करे के कार्रवाई करे गिस। कोविड 19, संक्रमण के रोकथाम के खातिर कलेक्टर के निर्देश म पूरा जिला म प्रोटोकॉल के उल्लंघन करइया के खिलाफ कार्रवाई के जात हावय। आम लोगन ले अपील करे गिस हावय के वो सार्वजनिक स्वास्थ्य अउ कोरोना संक्रमण ले सुरक्षा के मद्देनजर प्रशासनिक निर्देश के पालन अनिवार्य रूप ले करें।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।