आंगनवाड़ी केन्द्र म जादा ले जादा पउधा लगाना चाही : मंत्री श्रीमती अनिला भेड़िया

अंजोर.रायपुर, 6 जून 2021। विश्व पर्यावरण दिन के मउका म महिला अउ बाल विकास मंत्री श्रीमती अनिला भेड़िया डहर ले अभनपुर के ऊपरवारा आंगनबाड़ी अउ आरंग के खपरी आंगनवाड़ी केन्द्र म फलदार पेड़ लगइान। ऐ मउका म ओमन किहिन के हमन ल पर्यावरण के संरक्षण करना चाही अउ आंगनबाड़ी सहित सबो ठऊर मन म जादा ले जादा पउधा लगाना चाही। ए मउका म राज्यसभा सांसद श्रीमती छाया वर्मा, विभाग के सचिव श्रीमती रीना बाबा साहेब कंगाले ,संचालक श्रीमती दिव्या उमेश मिश्रा अउ सरपंच उपरवारा श्रीमती योगिता गिरधर पटेल अउ विभागीय अधिकारी अउ गणमान्य नागरिक उपस्थित रिहिस। 

श्रीमती भेड़िया ह दुनों आंगनवाड़ी केन्द्र के निरीक्षण करके संचालित योजना, कुपोषण अउ रेडी टू ईट के जानकारी भी लीस। ओमन ऊपरवारा म एक मिनी आंगनबाड़ी केंद्र ल पूरा आंगनवाड़ी केंद्र बनाये बर प्रस्ताव प्रेषित करे बर जिला कार्यक्रम अधिकारी ल निर्देशित करिन। झूला घर के आंगनवाड़ी कार्यकर्ता मन के समस्या के निराकरण के निर्देश भी दिस। ये मउका म दुनों आंगनबाड़ी केन्द्र म 30 फलदार पौधे लगाए गिस। मुख्य रूप ले आम, अमरूद, कटहल, जामुन, आंवला अउ छायादार पउधा के वृक्षारोपण करे गिस। ग्रामवासी डहर ले बताइन के अब गांव म अब कोरोना के मरीज नइ हावय अउ ओमन आंगनबाड़ी ल शुरू करे बर अरजी करिन।