अंजोर.रायपुर, 8 जून 2021। मुख्यमंत्री भूपेश बघेल के मंशानुरूप वन अउ जलवायु परिवर्तन मंत्री मोहम्मद अकबर के मार्गदर्शन म वन विभाग डहर ले चालू साल म 25 जून ले घर पहुंच पौधा वितरण के शुरूआत करे जाही। जानबा होवय के राज्य म विभाग डहर ले ए साल 2 करोड़ 27 लाख पौधा मन के वितरण के लक्ष्य रखे गे हावय। येकर खातिर अभी के बेरा म सबो 275 विभागीय नर्सरी म 284 प्रजाति के 3 करोड़ 89 लाख पौधा उपलब्ध हावयं। राज्य म पौध वितरण कार्यक्रम के सुचारू संचालन के खातिर प्रमुख सचिव वन मनोज कुमार पिंगुआ अउ प्रधान मुख्य वन संरक्षक वनराकेश चतुर्वेदी डहर ले सबो वन मंडलाधिकारी ल जरूरी निर्देश दे गे हावयं।
वन अउ जलवायु परिवर्तन विभाग डहर ले साल 2021 म आने-आने योजना मन के ले 2 करोड़ 27 लाख 34 हजार पौधा मन के वितरण करे जाही। एमे हरियाली प्रसार योजना के ले 67 लाख 36 हजार 598 पौधा, मनरेगा योजना के ले 01 करोड़ 53 लाख 16 हजार 302 पौधा, पौधा प्रदाय योजना ले 81 हजार 100 पौधा अउ आन योजना के ले 6 लाख पौधा मन के वितरण शामिल हावय। करार लक्ष्य के मुताबिक वन मंडलवार बिलासपुर म 2 लाख, मरवाही म 8 लाख 20 हजार, कोरबा म 3 लाख 25 हजार, कटघोरा म 01 लाख 50 हजार अउ रायगढ़ म 12 लाख पौधा मन के वितरण करे जाही। वन मंडलवार धरमजयगढ़ म 5 लाख, जांजगीर-चांपा म 5 लाख, मुंगेली म 5 लाख अउ अनुसंधान अउ विस्तार बिलासपुर म 6 लाख पौधा मन के वितरण के लक्ष्य रखे गे हावय। वन मंडलवार दुर्ग म 4 लाख 3 हजार, बालोद म एक लाख 40 हजार, राजनांदगांव म 10 लाख 70 हजार, खैरागढ़ म 5 लाख 14 हजार 893 अउ कवर्धा वन मंडल म 8 लाख 90 हजार 80 पौधा मन के वितरण करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।