प्रदेश म जल्दी ही शुरू होही 'धरसा विकास योजना', बलौदाबाजार-भाटापारा अउ महासमुन्द ल मिलिस करोड़ों के सौगात

अंजोर.रायपुर, 09 जून 2021। मुख्यमंत्री भूपेश बघेल ह किहिन हावय के किसान मन के उंकर खेत तक सुविधाजनक पहुंच के खातिर प्रदेश म जल्दीख ही धरसा विकास योजना सुरू करे जाही। ओमन किहिन के मुख्यमंत्री वृक्षारोपण योजना के राजीव गांधी किसान न्याय योजना ले जोड़त किसान मन के खातिर आय के नया रद्दा खोल गिस। मुख्यमंत्री ह आज अपन निवास कार्यालय म आयोजित वर्चुअल कार्यक्रम म बलौदाबाजार-भाटापारा अउ महासमुन्द जिला म लगभग 565 करोड़ रूपिया के लागत के 1430 कार्य के लोकार्पण अउ भूमिपूजन करिन। ओमन बलौदाबाजार जिला के खातिर 295 करोड़ रूपिया के लागत के 1172 कार्य के अउ महासमुन्द जिला के खातिर 270 करोड़ रूपिया के लागत के 258 कार्या के लोकार्पण अउ भूमिपूजन करिन।

मुख्यमंत्री ह किहिन के लॉकडाउन के समय निर्माण बुता भले ही थोड़ा प्रभावित होइस फेर ओकर ले जादा जरूरी काम हमन पूरा ताकत के संग जार रखेन। राज्य शासन के आने-आने योजना मन के माध्यम ले गरीब, किसान मन, मजदूर मन अउ गांव वाला के भूख, बेरोजगारी अउ भविष्य के चिंता ले बचाये के खातिर पूरा ताकत के संग काम करिन। पाछु साल भी लॉकडाउन के बखत गरीब मन ल बर फोकट म चाउंर के बेवस्था करे गिस। ए साल मई अउ जून महीना के फोकट म चाउंर के बेवस्था पहिली ही कर दे गे हावय, अब जुलाई ले नवम्बर तक पांच महीने के चाउंर फोकट म दे जाही। सबो राशनकार्डधारी ल प्रधानमंत्री गरीब कल्याण योजना के समकक्ष अतिरिक्त चाउंर भी वितरित करे जाही।

मुख्यमंत्री ह किहिन के कोरोना के पहिली अउ दूसरी लहर ले विकास के जेन काम प्रभावित होए रिहिस, ओला अब पूरा रफ्तार के संग पूरा करे जाही। कोरोना के लहर कमजोर पड़े के बाद येकर शुरूआत हो चुके हावय, काली दुर्ग अउ बालोद जिला म लगभग 700 करोड़ रूपिया के लागत के कार्य के लोकार्पण अउ भूमिपूजन करेन। बलौदाबाजार-भाटापारा अउ महासमुन्द जिला म लोकार्पण अउ भूमिपूजन सामरोह के बखत पाठ्यपुस्तक निगम के अध्यक्ष शैलेष नितिन त्रिवेदी के मांग म बलौदाबाजार जिला के गांव पाहांदा ले लिमाही होवत होए रायपुर तक पुल सहित पक्का सड़क निर्माण के खातिर 6 करोड़ रूपिया के स्वीकृति अउ बलौदाबाजार म ठेठवार यादव समाज के खातिर सामुदायिक भवन निर्माण के खातिर भूमि आबंटन होए म भवन निर्माण के खातिर 20 लाख रूपिया के स्वीकृति दे के आश्वासन दीस।  

बलौदाबाजार म आयोजित कार्यक्रम के अध्यक्षता स्वास्थ्य मंत्री अउ जिला के प्रभारी मंत्री श्री टी.एस. सिंहदेव ह अउ महासमुन्द के कार्यक्रम के अध्यक्षता उद्योग मंत्री अउ महासमुन्द के प्रभारी मंत्री कवासी लखमा ह करिन। ये मउका म कार्यक्रम ल सम्बोधित करत होए स्वास्थ्य मंत्री सिंहदेव ह किहिन के कोरोना के चुनौती के बावजूद मुख्यमंत्री भूपेश बघेल के नेतृत्व म प्रदेश के विकास के पहिया नइ थमिस। उद्योग मंत्री कवासी लखमा ह किहिन के गोबर खरीदने वाला देश-दुनिया म छत्तीसगढ़ पहिली सरकार हावय।