अंजोर.रायपुर, 1 जून 2021। मुख्यमंत्री भूपेश बघेल ह परिवहन विभाग के नवा सुविधा ‘तुंहर सरकार, तुंहर दुवार’ के वर्चुअल शुभारंभ करिन। ए नवा सुविधा के माध्यम ले परिवहन विभाग डहर ले प्रदेशवासी मन ल 22 परिवहन सेवा उंकर घर के दुवार म पहुंचाके दे जाही। ये सेवा म स्मार्ट कारड आधारित ड्रायविंग लायसेंस अउ रजिस्ट्रेशन प्रमाण पत्र ले संबंधित परिवहन सेवा शामिल हावयं। स्पीड पोस्ट के माध्यम ले आवेदक अउ वाहन स्वामी मनके घर के पता म ये सेवा के पहुंचाये जाही। आवेदक ल सेवा मिले करे के खातिर www.parivahan.gov.in म आवेदन करना होही। ए सुविधा म स्वैच्छिक ’आधार’ प्रमाणीकरण ले परिवहन सेवा तुरते मिलही। ए सेवा के शुरू होए म छत्तीसगढ़ देश के पहिली राज्य बन गे हावय, जिहां परिवहन विभाग ड्राइविंग लाइसेंस अउ पंजीयन संबंधित सेवा ल आधार ले एकीकृत करे हावय।
परिवहन मंत्री मोहम्मद अकबर ह कार्यक्रम के अध्यक्षता करत किहिन के परिवहन विभाग डहर ले लोगन तक 22 जरूरी सेवा के ऑनलाईन पहुंचाये के पहल करे गिस हावय। येकर ले विभाग के काम-काज म अउ जादा पारदर्शिता आही अउ जवाबदेही भी बढ़ही। परिवहन विभाग डहर ले आज ले शुरू करे गिस ‘तुंहर सरकार, तुंहर द्वार’ नवा सुविधा म डुप्लीकेट लाइसेंस, ड्राइविंग लाइसेंस नवीनीकरण अउ पता परिवर्तन सहित लाइसेंस ले सम्बंधित 10 सेवा अउ स्वामित्व अंतरण अउ पता परिवर्तन सहित गाड़ी ले सबंधित 12 सेवा घर पहुंचाके दे जाही।
नवा गाड़ी के पंजीयन, जुन्ना गाड़ी के आरसीसी म संशोधन, नवा ड्रायविंग लायसेंस अउ जुन्ना लायसेंस म कराए जाये वाला परिवर्तन के बाद ड्रायविंग लायसेंस अउ रजिस्ट्रेशन सर्टिफिकेट (आरसी) सोज पंजीकृत पता म भारतीय डाक के स्पीड पोस्ट के माध्यम ले अधिकतम 7 दिवस म उपलब्ध कराए जाही। एमन ल विभाग डहर ले डिस्पेच करत आवेदक ल देगे पता म स्पीड पोस्ट के ट्रेकिंग आईडी सहित एसएमएस भी भेजा जाही, जेकर ले आवेदक ल वस्तु-स्थिति के जानकारी मिल सकही। यदि आवेदक घर म उपलब्ध नइ रहय हावय त भी आवेदक ल एसएमएस के माध्यम ले डिलीवरी के खातिर सूचित करे जाही।
वाहन ले संबंधित आवेदक ले मिले प्रकरण जइसे मोटरयान के नवा पंजीयन, स्वामित्व अंतरण, मोटरयान के अल्ट्रेशन, पंजीकृत कारड म पता परिवर्तन, मोटरयान म परिवर्तन, फायनेंसन के फ्रेश आरसी, हॉइपोथिकेशन जोड़ना-जारी रखना-रद्द करना, पंजीकृत कारड की द्वितीय प्रति, पंजीयन क्रमांक पुनःसमानुदेशन, पंजीयन के नवीनीकरण के परिवहन कार्यालय के डहर ले दस्तावेज के जरूरी परीक्षण अउ मोटरयान अधिनियम के प्रावधान के मुताबिक गाड़ी के जरूरी निरीक्षण करे के पाछु पंजीयन अधिकारी के डहर ले अनुमोदन करे जाही। ए नया बेवस्था के सुगम संचालन के खातिर परिवहन विभाग डहर ले हेल्पलाईन नम्बर 75808-08030 जारी करे जात हावय। ए हेल्पलाइन के माध्यम ले आवेदक परिवहन कार्यालय के अनुमोदन बाद स्मार्ट कारड आधारित ड्रायविंग लायसेंस अउ रजिस्ट्रेशन प्रमाण चिट्ठी प्रेषण के संबंध म जानकारी मिल सकत हावयं। इही रकम ले ड्राइविंग लाइसेंस के खातिर ऑनलाइन मेडिकल प्रमाण पत्र जारी करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।