अंजोर.रायपुर, 8 जून 2021। केन्द्र सरकार कोति ले मई अउ जून के बाद अब लॉकडाउन के सेती गरीब, मजदूर परिवार के परेशानी ल देखत देवारी तक माने नवंबर महीना तक फोकट म राशन दे घोसना करे गे हावय। येकर लाभ राज्य खाद्य सुरक्षा अधिनियम के तहत जारी सबो राशन कारडधारी मनला मिलही। छत्तीसगढ़ के भूपेश सरकार तको जनहित म गजब अकन योजना चलाव हावय ये सेती छत्तीसगढ़ म भूखमरी के स्थिति नइये फेर लोगन ल काम बुता नइ मिले ले आर्थिक तंगी जरूर होए हावय। जेला कुछ हद तक नरवा, गरूवा, घुरवा, बारी योजना ह संबल देके बुता करे हावय। सरकार कोति ले मिले आरो के मुताबिक नवंबर तक फोकट म दे वाला राशन म इहां के 67 लाख 90 हजार 987 राशनकार्ड ले 2 करोड़ 51 लाख 46 हजार 424 सदस्य लाभान्वित होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।