गोबर बेच के संतोषी बाई ह कमाइस लाख रुपिया, लइका के पढ़ाई अउ करजा चुकाये म करिन खरचा

अंजोर.मरवारी, 13 जून 2021। नवगठित जिला गौरेला पेंड्रा मरवाही जिला के गांव गिरवर के महिला श्रीमती संतोषी बाई राठौर ह आज वर्चुयल कार्यक्रम म मुख्यमंत्री भूपेश बघेल ल बताइन के गोबर बेचे ले ओला एक लाख रूपिया के आमदनी होए हावय। ओमन बताइन के ए रकम के उपयोग ओमन लइका के पढ़ाई लिखाई अउ खेती किसानी म उपयोग करिन हावय। ओमन मुख्यमंत्री ल बताइन के ए रकम म ले 50 हजार रूपिया के कर्ज भी पटाये हावय। ये मउका म मुख्यमंत्री श्री बघेल ह श्रीमती संतोषी बाई राठौर के करजा ले मुक्त होए के खातिर बधाई अउ शुभकामना दीस।