राज्य स्थापना दिन 01 नवंबर 2020 के मुख्यमंत्री स्लम स्वास्थ्य योजना के शुभारंभ सांसद राहुल गांधी की उपस्थिति म मुख्यमंत्री श्री बघेल डहर ले करे गे रिहिस। राज्य के सबो 14 नगर पालिक निगम म आधुनिक उपकरण ले सुसज्जित 60 एमएमयू स्वास्थ्य सेवा दे हावयं। ये मोबाइल मेडिकल यूनिट म एमबीबीएस डाक्टर डहर ले लगभग 1600 स्लम बस्ती म कैम्प लगाके मरीज मन ल स्वास्थ्य सुविधाउपलब्ध कराये गे हावय। एमबीबीएस डाक्टर के संग कैम्प म मुफ्त दवा वितरण बर फार्मासिस्ट, मुफ्त लैब टेस्ट करे बर लैब टेक्निशियन, मरीज मन के सेवा के खातिर एएनएम अउ एमएमयू चालक सेवा दे रिहिन हावयं।
पारा-मोहल्ला म घर-घर पहुंच इलाज के सुविधा दे के स्लम स्वास्थ्य योजना ह अब तक लगभग 05 लाख मरीज मन के इलाज करिन हावय। ये मरीज मन म ले लगभग एक लाख बीस हजार मरीज मन के मुफ्त लैब टेस्ट करिन हावय। एमएमयू म 41 रकम ले के आने-आने लैब टेस्ट करे जाते हावयं। एमे खून, मल-मूत्र, थूक, टीबी, थायराइड, मलेरिया, टाईफाईड आदि के जांच कुशल लैब टेक्निशियन डहर ले अत्याधुनिक मशीन ले करे जात हावय। एमएमयू म मुफ्त दवा वितरण सेवा के लाभ लेवत लगभग चार लाख चालीस हजार मरीज मन ह डाक्टर के पर्ची के आधार म फार्मासिस्ट ले सेवा मिले हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।