अंजोर.रायपुर, 8 जून 2021। मुख्यमंत्री भूपेश बघेल ह आज राजधानी रायपुर के अपन निवास कार्यालय म आयोजित वर्चुअल कार्यक्रम म दुर्ग अउ बालोद जिला के लगभग 685 करोड़ रूपिया के लागत के 244 बुता के सौगत दीस। मुख्यमंत्री ह एमे ले दुर्ग जिला म 285 करोड़ 87 लाख रूपिया के लागत के 57 बुता के अउ बालोद जिला म 399 करोड़ 32 लाख रूपिया के लागत के 187 आने-आने निर्माण बुता के लोकार्पण अउ शिलान्यास करिन।
ये बुता म शिक्षा, स्वास्थ्य अउ पेयजल जइसे बुनियादी सुविधा अउ अधोसंरचना विकास के बुता शामिल हावयं। ये मउका म मुख्यमंत्री निवास म गृह मंत्री ताम्रध्वज साहू, कृषि अउ जल संसाधन मंत्री रविंद्र चौबे, जंगल अउ जलवायु परिवर्तन मंत्री मोहम्मद अकबर, लोक स्वास्थ्य यांत्रिकी मंत्री गुरु रूद्र कुमार, महिला अउ बाल विकास मंत्री श्रीमती अनिला भेड़िया, मुख्यमंत्री के अपर मुख्य सचिव सुब्रत साहू उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।