अंजोर.गरियाबंद, 8 जून 2021। जिला गरियाबंद के आदिवासी ब्लॉक छुरा के सुदुर गांव मेड़कीडबरी अउ कोड़ामाल के आदिवासी नवयुवक ल आरोपी मन डहर ले स्वयं के मंत्रालय म बाबू के पद म पदस्थ होना बताके अउ जंगल रक्षक, तहसील म चपरासी, स्कूल म चपरासी अउ पुलिस विभाग म जंगल स्टार के पद म ऑफलाईन भरती निकले हावय जेमा नौकरी दिलाये के झांसा देके लाखों के ठगी करे के शिकायत थाना छुरा म मिलिस। जेमा गांव कोड़ामाल के भागवत ध्रुव के वनरक्षक के पद म धमतरी म 4,00,000 रूपिया म भरती कराये के झांसा देके आरोपी सबास खान निवासी महासमुंद अउ मनोज साहू निवासी सेम्हरतरा राजिम के डहर ले दिनांक 13.04.2021 ले 08.05.2021 तक कुल 3,60,000 रूपिया एंडवांश म लिये रिहिस अउ दिनांक 05.06.2021 या 16.06.2021 के आदेश मिल जाही कहिके बांचे 40,000 रूपिया नौकरी लगे के बाद मांग करे रिहिस।
इही रकम ले आरोपी मन डहर ले गांव मेड़कीडबरी के राजकुमार यादव ल वनरक्षक के नौकरी के खातिर 1,00,000, भुखन ध्रुव के तहसील आफिस म चपरासी के खातिर 1,00,000 रूपिया अउ केशव यादव के स्कूल म चपरासी के नौकरी के खातिर 1,00,000 रूपिया एडवांश के तौर म लेके कुल 6,60,000 रूपिया के ठगी करिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।