अंजोर.अम्बिकापुर, 5 जून 2021। राज्य शासन के मंशानुरूप कलेक्टर के मार्गदर्शन म जिला के गउठान म अतिशेष खातु ले सुपर कंपोस्ट बनाये के खातिर समूह के महिला मन डहर ले डिकम्पोजर तइयार करे के शुरू होगे हावय। गुड़ अउ गोबर के मिश्रण ले महिला मन तइयार करही खरा वर्मी खातु जेन पउधा मन खातिर फूड सप्लीमेंट के काम करही। येकर संग ही भूमि के उर्वरा के भी बनाए रखे म सहायक होही।
गोबर ले सुपर कम्पोस्ट बनाये के पहिली चरण म वेस्ट डी - कंपोजर तइयार करना जरूरी हावय। डी कंपोजर तइयार करे के खातिर वैज्ञानिक डॉ प्रशांत शर्मा अउ कृषि विभाग के अधिकारी मन डहर ले सबो जनपद के गउठान समिति ले जुड़े समूह के महिला मन ल प्रशिक्षण दे गे हावय जेकर ले महिला मन ह गउठान म डिकंपोजर तइयार करे के शुरू कर दे हावय। गोबर अउ डिकंपोजर के मिश्रण ले 40-45 दिन म सुपर कम्पोस्ट तइयार हो जाही
अइसे बनही सुपर कम्पोस्ट-
सबले पहिली डिकंपोजर घोल तइयार करे के खातिर 200 लिसटर पानी म 2 किलो गुड़ अउ एक शीशी वेस्ट डीकंपोजर मिले घोल तइयार करे जाथे। ए घोल ल 3 ले 7 दिन तक रोज दू बार दू मिनट तक लकड़ी के छड़ी ले हिलाके रखे जाथे। डिकंपोजर घोल म 9 ले 10 गुना पानी मिलके 20-25 दिन जुन्ना 15 किलो गोबर म 200 लिटर घोल ल छिड़क के अच्छा रकम ले मिले दे जाथे। गोबर के 7 ले 15 दिन तक तिरपाल या पैरा ले ढक के रखे जाथे ताकि 60 प्रतिशत तक नमी बने रहय। डी कंपोजर घोल मिलाये के प्रक्रिया आवश्यकतानुसार 3 ले 4 बार दोहराथे। डिकंपोजर घोल मिले के 40 ले 45 दिन बाद जैविक खातु तइयार हो जाथे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।